अमरावती सेक्स स्कँडल : भाड्याने घेतलेला फ्लॅट ते कॅफे...'डर्टी खेळ', 400 रुपयांत मिळायची 'प्रायव्हेट जागा'

कॅफेमधील 'प्राइवेट कंपार्टमेंट' आणि अश्लील कृत्यांचे जाळे

आरोपी अयानच्या या 'काळ्या कृत्यांचे' धागेदोरे आता शहरातील विविध कॅफेपर्यंत पोहोचले असून, तिथे चालणाऱ्या संशयास्पद हालचालींनी सर्वांनाच हादरवून सोडले आहे. तपासादरम्यान असे दिसून आले आहे की, अयान पीडित मुलींना अमरावतीमधील 'कॅफे रॉयल 10', अचलपुरमधील 'कॅफे फ्रेंड्स टाउन' आणि परतवाड्यातील बंद पडलेल्या 'कॅफे सोशल जंक्शन'मध्ये घेऊन जात असे. विशेष म्हणजे, अमरावती येथील 'कॅफे रॉयल 10' मध्ये आरोपी अयान कॅफे मालकाला केवळ 400 रुपये देऊन मुलींसोबत बसण्यासाठी 'प्राइवेट कंपार्टमेंट' भाड्याने घेत असल्याची माहिती समोर आली आहे. या कॅफेमध्ये कपल्ससाठी स्वतंत्र आणि बंद कंपार्टमेंटची व्यवस्था करण्यात आली होती, जिथे पीडित मुलींसोबत अश्लील चाळे केले जात होते. पोलिसांनी या सर्व कॅफेमध्ये आरोपीला नेऊन घटनास्थळाचा पंचनामा केला असून, कॅफे संचालकांचीही कसून चौकशी केली जात आहे.

हेही वाचा : सरकारी डॉक्टरचे विवाहित नर्ससोबत अनैतिक संबंध, शेवटी व्हायचं तेच झालं; भयंकर घडलं

वझ्झर डॅम गार्डन ते अचलपूरपर्यंत पसरलेला तपास

या प्रकरणाची व्याप्ती केवळ बंद खोल्यांपर्यंतच मर्यादित नसून, आरोपीने सार्वजनिक ठिकाणांचाही गैरवापर केल्याचे पोलीस तपासात उघड झाले आहे. एका पीडित मुलीशी अयानची भेट वझ्झर डॅमच्या गार्डनमध्ये झाली होती, अशी माहिती समोर आल्यानंतर पोलिसांनी त्या ठिकाणी जाऊन प्रत्यक्ष जागेची पाहणी केली आहे. अचलपूर येथील बंद असलेल्या 'कॅफे फ्रेंड्स टाउन'च्या समोरूनही पोलिसांनी तपासणी करून महत्त्वाचे पुरावे गोळा केले आहेत. यावरून हे स्पष्ट होते की, आरोपीने पीडित मुलींना जाळ्यात ओढण्यासाठी आणि त्यांचे शोषण करण्यासाठी शहरातील विविध ठिकाणांचा पद्धतशीरपणे वापर केला होता. पोलीस आता या प्रकरणातील प्रत्येक लोकेशनचा बारीक अभ्यास करत असून, या नेटवर्कमध्ये आणखी काही लोकांचा सहभाग आहे का, या दिशेने तपास चक्रावत आहे.

परतवाडा सेक्स स्कँडलमधील आरोपी अयानने ज्या प्रकारे हे गुन्हेगारी जाळे विणले होते, त्यावरून या प्रकरणाचे गांभीर्य अधिकच वाढले आहे. फ्लॅट, कॅफे आणि डॅम अशा वेगवेगळ्या लोकेशन्सवर पसरलेल्या या नेटवर्कचा पर्दाफाश करण्यासाठी अमरावती पोलीस अहोरात्र मेहनत घेत आहेत. आरोपी अयानने किती मुलींना अशा प्रकारे आपल्या जाळ्यात अडकवले आणि या कृत्यासाठी त्याला कोणाकोणाची साथ मिळाली, हे शोधणे आता पोलिसांसमोर मोठे आव्हान आहे. दरम्यान, विविध कॅफेमधील 'प्राइवेट कंपार्टमेंट' संस्कृतीवरही या घटनेमुळे प्रश्नचिन्ह उपस्थित झाले असून, प्रशासनाकडून अशा ठिकाणांवर कडक कारवाई होण्याची शक्यता वर्तवण्यात येत आहे. या प्रकरणातील प्रत्येक नव्या खुलाशामुळे अमरावती जिल्ह्यात संतापाची लाट उसळली असून, पीडितांना न्याय मिळवून देण्यासाठी पोलीस कसून तपास करत आहेत.

इतर महत्त्वाच्या बातम्या 

प्रेम, लग्न आणि सर्व्हिस रिव्हॉल्वरने खून... पत्नीच्या हत्येप्रकरणी पोलीस अधिकाऱ्याच्या आवळल्या मुसक्या