पहलगाम हल्ल्यानंतर ज्योती मल्होत्रा म्हणाली, 'हल्ल्याला सर्वस्वी सरकार...' व्हिडिओ होतोय व्हायरल

अशातच पहलगाम हल्ल्यानंतर ज्योती मल्होत्राने वक्तव करत गरळ ओकली आहे. ज्यात तिने सर्व काही पर्यटकांचा दोष असल्याचं सांगितलं आहे. तिने केलेलं वक्तव्य हे देशद्रोही मानलं जात आहे. जम्मू काश्मीर सारख्या ठिकाणी सुरक्षा यंत्रणा असतानाही हे कसं घडलं? असा प्रश्न तिने उपस्थित केला. तसेच तिने यात आपलीही चूक आहे असं म्हणत तिने देशविरोधात वक्तव्य केलं.

त्यानंतर तिने पहलगाम हल्ल्यावरुन सरकारला जबाबदार धरलं आहे. ती म्हणते की, जर कोणी दहशतवाद्यांना पाठिंबा देत असेल तर ती भूमिका चुकीची आहे. सध्याची सुरक्षा यंत्रणा ढासळू लागली आहे. या हल्ल्यात काहीतरी काळंबेरं आहे. या घटनेला सर्वस्वी सरकार जबाबदार असल्याचं तिनं म्हटलं आहे.

हेही वाचा : Mumbai COVID-19 Death: मुंबईत पुन्हा कोरोना आला.. दोघांचा मृत्यू? खरं काय ते समजून घ्या!

ज्योती मल्होत्रा ही एक प्रसिद्ध युट्यूबर आहे. ती हरियाणातील हिसार येथील रहिवासी आहे. ज्योती आपल्या युट्यूबच्या माध्यमातून पर्यटनासंबंधित व्लॉग बनवत असते. दरम्यान, तिच्यावर हेरगिरीचा आरोप करण्यात आला आहे. तिला आता पोलिसांनी ताब्यात घेतलं आहे. तिची चौकशी केली जात आहे. यामध्ये इतर सहा जणांचाही समावेश आहे.

अशातच तिची आणखी एका युट्यूबर मैत्रिणीचे नावंही या प्रकरणात जोडण्यात आलं आहे. प्रियांका सेनापती असं त्या मुलीचं नाव आहे. पोलिसांनी तिच्याही घराची झडती घेतली आहे.