भाजपकडून महापालिकेत ठराव

मुंबईतील धावपळीच्या आणि  ताण-तणावाच्या जीवनशैलीमुळे अनेक जोडप्यांना अपत्य प्राप्ती होण्यात अडचणी येतात. यासाठी आयव्हीएफ तंत्रज्ञानाची फार मदत होते. मात्र हे महागडे तंत्रज्ञान वापरुन उपचार करणे सर्वांना परवडेल असे नाही. त्यामुळे सर्वसामान्य जोडप्यांना हे उपचार अल्प दरात उपलब्ध व्हावेत यासाठी भाजपकडून महापालिकेत ठराव मांडण्यात आला होता. या ठरावाला महापालिकेने मंजुरी दिली आहे. यानंतर हा ठराव अंमलबजावणीसाठी महापालिका प्रशासनाकडे पाठवण्यात आला आहे.  यानंतर या ठरावाविषयी अभ्यास करुन आणि हे उपचार अल्प दरात उपलब्ध करुन देता येतील का याविषयी अभ्यास करण्यात येणार आहे.

हे ही वाचा : पुण्यात अवकाळी पावसाचा हाहाकार, गारांमुळे 'या' भागाला शिमल्याचं स्वरुप, Video व्हायरल

काय आहे आयव्हीएफ तंत्रज्ञान?

आयव्हीएफ म्हणजे In-Vitro Fertilization.  अर्थात प्रयोगशाळेत स्त्रीबीज आणि पुरुषबीज यांचा संयोग घडवून गर्भ तयार करण्याचे प्रगत वंध्यत्व निवारण तंत्रज्ञान आहे. यामध्ये फलित गर्भ नंतर स्त्रीच्या गर्भाशयात स्थापित केला जातो. नैसर्गिकरित्या गर्भधारणा न होणाऱ्या जोडप्यांसाठी हे तंत्रज्ञान एक वरदान ठरले आहे. 

हे ही  वाचा : Personal Finance: बँक तुमच्या नकळत तुमच्याच खात्यातून काढू शकते का पैसे?

केईएम रुग्णालयात 'मा आयव्हीएफ केंद्र'

केईएममध्ये आयव्हीएफ तंत्रज्ञान अल्प दरात उपलब्ध करुन देण्यात आले आहे. यासाठी मा आयव्हीएफ केंद्र उभारण्यात आले आहे. याठिकाणी अपत्यासाठी प्रयत्न करणाऱ्या दाम्पत्याला देण्यात येणारे उपचार हे खासगी क्षेत्रातील उपचाराच्या तुलनेत 50 टक्के सवलतीत उपलब्ध करुन दिले जातात. या आयव्हीएफ केंद्राच्या माध्यमातून वर्षभरात 500 ते 600 रुग्णांना सेवा देणे शक्य होणार असल्याचे सांगितले जाते.