काय आहे SONAR तंत्रज्ञान?

सोनार (SONAR) म्हणजे Sound Navigation and Ranging. हे ध्वनीतरंगांवर आधारित अत्याधुनिक तंत्रज्ञान आहे. यामुळे जमिनीखालील नेमकी गळती शोधणे शक्य होणार आहे. याचा अजून एक फायदा म्हणजे अनावश्यक खोदकाम यामुळे टाळता येणार आहे. सध्या बीएमसी वर्षाला 60 ते 70 किलोमीटर जुन्या जलवाहिन्या बदलते; मात्र आता हे प्रमाण वाढवून दरवर्षी 250 ते 300 किलोमीटर पर्यंतच्या जलवाहिन्या बदलण्याचे उद्दिष्ट ठेवण्यात आले आहे. पुढील चार वर्षांत 25 ते 30 टक्के जुन्या जलवाहिन्या बदलून पाण्याची गळती लक्षणीयरीत्या कमी केली जाईल.

हे ही वाचा : दर्शनासाठी निघालेल्या भाविकांवर काळाचा घाला, बस-कारच्या अपघातात पाच जणांचा अंत

सप्टेंबरपर्यंत पाणीसाठी पुरवण्यासाठी...

मुंबईला तुलसी, विहार, भातसा, तानसा, मोडक सागर, अप्पर वैतरणा आणि मिडल वैतरणा या सात तलावांमधून पाणीपुरवठा केला जातो. यंदा पाऊस कमी झाल्यामुळे आणि वाढत्या तापमानामुळे पाण्याचे बाष्पीभवन वेगाने होत असल्याने, पाण्याचा साठा पुढील वर्षी सप्टेंबरपर्यंत पुरवण्यासाठी पालिकेने पाणीकपात लागू केली आहे. सध्या जलवाहिनी फुटल्यास प्रत्यक्ष गळती शोधणे हे निव्वळ अंदाजावर आधारित असते. बऱ्याचदा गळती एका ठिकाणी असते आणि पाणी दुसऱ्याच ठिकाणी रस्त्यावर येते; ज्यामुळे कामगारांना रस्ते उकरून अनेक ठिकाणी शोध घ्यावा लागतो. यामुळे रस्ते खराब होतात आणि वेळही वाया जातो.

हे ही वाचा : नागरिकांच्या भावनेवर निकाल लागू शकत नाही, असं गवई का बोलले?

बीएमसीकडून मुंबईकरांना आवाहन

यासोबतच पालिकेने 2021 मध्ये सुरू केलेल्या 'सर्वसमावेशक पाणी धोरणा'चा (Water for All Policy) विस्तार सुरू ठेवला असून, झोपडपट्ट्यांमध्ये अधिकृत नळ जोडण्या दिल्या जात आहेत. यासोबतच पाण्याचा जपून वापर करण्याचे आवाहन बीएमसीने नागरिकांना केले आहे.