Govt Job: LIC मध्ये ‘या’ पदांसाठी निघाली भरती! अर्ज करण्याची शेवटची तारीख विसरू नका!

अर्ज करण्याची मुदत  

09 सप्टेंबर 2025 ही अर्ज करण्यासाठी शेवटची तारीख निश्चित करण्यात आली आहे. एलआयसी AAO आणि AE च्या एकूण 841 पदांवर भरती करणार आहे. या पदांसाठी अर्ज करण्यासाठी इच्छुक आणि पात्र उमेदवार अधिकृत वेबसाइटला भेट देऊन ऑनलाइन अर्ज करू शकतात.

वयोमर्यादा  

या भरतीसाठी अर्ज करण्यासाठी उमेदवारांचे किमान वय 21 वर्षे आणि कमाल वय 30 वर्षे असणं अनिवार्य आहे. यासोबतच, राखीव प्रवर्गातील उमेदवारांना सरकारी नियमांनुसार उच्च वयोमर्यादेत सूट दिली जाईल. अनुसूचित जाती आणि जमाती प्रवर्गातील उमेदवारांना वयोमर्यादेत 5 वर्षे, ओबीसी प्रवर्गातील उमेदवारांना 3 वर्षे आणि अपंग उमेदवारांना 10 वर्षे वयोमर्यादेत सूट दिली जाईल.

हे ही वाचा: डुप्लिकेट चावी घेऊन बहिणीच्याच घरात शिरली अन् तब्बल 24.42 लाख रुपयांचे दागिने लंपास...

या पदांसाठी अर्ज करण्यासाठी, उमेदवारांकडे भारतातील मान्यताप्राप्त संस्थेतून बीई (B.E), बीटेक (B.Tech) अशा इतर निश्चित पात्रता असणे आवश्यक आहे.

हे ही वाचा: डॉक्टरांनी केलं ‘ब्रेन डेड’ घोषित पण अंत्यसंस्कार होण्यापूर्वी खोकला सुरू झाला अन्... नाशिकमधील धक्कादायक घटना

कसा कराल अर्ज?  

• या पदांसाठी अर्ज करण्यासाठी उमेदवारांनी सर्वप्रथम अधिकृत वेबसाइटला भेट द्या.
• त्यानंतर वेबसाइटच्या होमपेजवरील "LIC AAO application" या लिंकवर क्लिक करा.
• आता त्यात वैयक्तिक माहिती भरून अकाउंट लॉगिन करा.
• त्यानंतर, आवश्यक डॉक्यूमेंट्सची स्कॅन कॉपी अपलोड करा.
• नंतर, निर्धारित परीक्षा शुल्क भरा आणि अर्जात भरलेली सर्व माहिती एकदा काळजीपूर्वक वाचा.
• अखेर फॉर्म सबमिट केल्यानंतर, त्याची प्रिंटआउट काढून घ्या.

निवड प्रक्रिया 

उमेदवारांची निवड पूर्व परीक्षा आणि मुख्य परीक्षेद्वारे केली जाईल. पूर्व परीक्षेत, उमेदवारांना बुद्धिमत्ता, क्वांटिटेटिव्ह अ‍ॅप्टिट्यूड आणि इंग्रजी विषयांमधून 100 बहुपर्यायी प्रश्न विचारले जातील. या परीक्षेत पात्र उमेदवारांना मुख्य परीक्षेसाठी बोलावले जाईल.