नाशिकच्या भाऊला अंत्यसंस्कारासाठी नेलं, पण तेव्हाच भाऊ खोकला अन्..

तरुणाची प्रकृती गंभीर.. 

यानंतर कुटुंबियांनी त्याला तातडीने जिल्हा रुग्णालयात नेलं, जिथे त्याच्यावर सध्या उपचार सुरू आहेत. त्याची प्रकृती अत्यंत गंभीर असल्याचं सांगण्यात येत आहे आणि त्याला व्हेंटिलेटर सपोर्टवर ठेवण्यात आलं आहे.

कुटुंबियांचे रुग्णालयातील प्रशासनावर आरोप 

पीडित तरुणाचे कुटुंबीय गंगाराम शिंदे म्हणाले की, “आम्ही अंत्यसंस्काराची तयारी करत होतो. तेव्हा अचानक भाऊची हालचाल सुरू झाली आणि त्याने खोकण्यास सुरूवात केली. आम्हाला आमच्या डोळ्यांवर विश्वासच बसत नव्हता. आम्ही तातडीने अँम्ब्यूलन्स बोलावली आणि त्याला जिल्हा रुग्णालयात नेलं.” सध्या, डॉक्टर त्याच्यावर उपचार करत असून त्याची प्रकृती गंभीर असल्याचं सांगितलं जात आहे.

हे ही वाचा: अरे देवा! तरुणीने दिला लग्न करण्यास नकार... संतापलेल्या तरुणाने तरुणीचं नाकच कापलं अन्...

डॉक्टरांनी काय सांगितलं?   

ज्या खाजगी रुग्णालयात तरुणावर उपचार सुरू होते त्या रुग्णालयाच्या प्रशासनाने कुटुंबियांचे आरोप फेटाळून लावले आहेत. रुग्णालय प्रशासनाच्या मते, भाऊ लचके याला मृत घोषित करण्यात आलं नव्हतं. मेडिकल स्टेटमेंटबाबत कुटुंबीय गोंधळले होते, असं त्यांचं म्हणणं आहे.

हे ही वाचा: Maratha Reservation: एक नाही तर 2 जीआर निघाले ते पण तासाभरात, छगन भुजबळांचे 'मुंबई Tak चावडी'वर गौप्यस्फोट

'ब्रेन डेड' म्हणजे काय?  

साधारणपणे, 'ब्रेन डेड' म्हणजे रुग्णाचा मेंदू काम करणं थांबवतो. खरंतर, अशी परिस्थिती मृत्यूच्या बरोबरीची मानली जाते, परंतु डॉक्टरांचं म्हणणं आहे की अनेक वेळा कुटुंबियांमध्ये याबद्दल गोंधळ असतो. भाऊ लचके याचं प्रकरणही आता असंच काहीसं आहे. कुटुंबातील सदस्यांचं म्हणणं आहे की जर तो तरुण अंत्यसंस्कारापूर्वी हालचाल करत होता आणि खोकत होता, तर डॉक्टरांनी त्याला 'ब्रेन डेड' असं म्हणत त्यांची दिशाभूल का केली? त्याच वेळी, रुग्णालय प्रशासनाचा दावा आहे की त्यांनी कधीही त्या तरुणाला मृत घोषित केलं नाही.