Govt Job: सरकारी बँकेत मोठ्या पगाराच्या नोकरीची सुवर्णसंधी! पदवीधरांनी लवकरच करा अर्ज...

काय आहे पात्रता? 

या भरतीमध्ये सहभागी होण्यासाठी उमेदवारांकडे कोणत्याही मान्यताप्राप्त विद्यापीठातून ग्रॅज्युएशन (पदवी) ची डिग्री असणं आवश्यक आहे. तसेच, इंजीनिअर, डॉक्टर, सीए अशा कॉस्ट अकाउंटंटसारख्या प्रोफेशनल डिग्रीचं शिक्षण घेतलेले उमेदवार अर्ज करू शकतात. या भरतीसाठी अर्ज करण्यासाठी सामान्य (General), ओबीसी (OBC) आणि ईडब्ल्यूएस (EWS) प्रवर्गातील उमेदवारांना 750 रुपये अर्जाचं शुल्क भरावं लागेल. तसेच, एससी (SC), एसटी (ST) आणि अपंग उमेदवारांना कोणतंही शुल्क आकारण्यात येणार नाही. 

या पदांसाठी अर्ज करण्यासाठी सर्वात महत्वाची अट म्हणजे उमेदवारांना अनुसूचित व्यावसायिक बँक किंवा प्रादेशिक ग्रामीण बँकेच्या अधिकारी संवर्गात किमान दोन वर्षांचा अनुभव असणे आवश्यक आहे. 

हे ही वाचा: कोल्ड्रिंकमध्ये मादक पदार्थ मिसळून प्यायला दिलं अन् विवाहितेवर लैंगिक अत्याचार! नंतर आरोपीची भलतीच मागणी...

कशी होणार निवड? 

या भरतीअंतर्गत, चार टप्प्यांच्या माध्यमातून उमेदवारांची निवड केली जाणार आहे. सर्वप्रथम उमेदवारांसाठी 170 गुणांची ऑनलाइन परीक्षा आयोजित केली जाईल. या परीक्षेत 120 गुणांची ऑब्जेक्टिव्ह टेस्ट आणि 50 गुणांच्या डिस्क्रिप्टिव्ह टेस्टचा समावेश आहे. ऑब्जेक्टिव्ह म्हणजेच वस्तुनिष्ठ चाचणीत बँकिंग नॉलेज, सामान्य जागरूकता, इंग्रजी आणि कंप्यूटर अॅप्टिट्यूड या विषयांवर आधारित प्रश्न असतील. त्यानंतर, उमेदवारांचे डॉक्यूमेंट्स आणि अनुभव सर्टिफिकेट तपासले जातील. यामध्ये पात्र ठरलेल्या उमेदवारांना मुलाखतीसाठी बोलावले जाईल, ही मुलाखत 50 गुणांची असेल. जर उमेदवाराने 10 वी किंवा 12 वी इयत्तेत स्थानिक भाषा शिकली नसेल, तर त्यांना भाषा चाचणी देखील उत्तीर्ण करावी लागेल. 

या भरतीमध्ये यशस्वी झालेल्या उमेदवारांना ज्युनियर मॅनेजमेंट ग्रेड स्केल वन अंतर्गत नियुक्त केले जाईल. उमेदवारांना सुरुवातीला 48,480 रुपये पगार दिला जाईल. याव्यतिरिक्त, त्यांना महागाई भत्ता, घरभाडे भत्ता, पेट्रोल भत्ता आणि वैद्यकीय सुविधांसह विविध फायदे मिळतील.