पुण्यातील शिक्षकाने पेपर सोडवायला रात्री बोलावलं, काही तरी भलतंच...

हेही वाचा : गुरु-शिष्याच्या नात्याला काळीमा! आधी हॉटेलमध्ये नंतर स्वत:च्याच घरात, शिक्षिकेचं अल्पवयीन विद्यार्थ्यासोबत...

पुणे पोलिसांच्या गुन्हे शाखेने कारवाई करत प्रोफेसरसह चौघांच्या मुसक्या आवळल्या आहेत. परिक्षेत पास करण्यासाठी शिक्षिकांनी विद्यार्थ्यांकडून 10 ते 15 हजार रुपये घेतल्याचा आरोप करण्यात आला. प्रतिक किसन सातव यासह आदित्य खिलारे, अमोल नागरगोजे, अनिकेत रोडे यांचा समावेश होता. या प्रकरणात पोलिसांनी त्यांना अटक केली आहे. 

इंजिनिअरिंगच्या पहिल्या वर्षातील विद्यार्थ्यांचा गणिताचा पेपर होता. पेपर झाल्यानंतर पेपर जमा करण्यात आले आणि तेच पेपर लिहिण्यासाठी रात्रीच्या सुमारास देण्यात आले. याचपार्श्वभूमीवर आता पुणे पोलिसांनी सावित्रीबाई फुले पुणे विद्यापीठाचे गणित 2 या विषयाच्या लिहिण्यात आलेल्या एकूण उत्तरपत्रिकेचे 6 बंडल, 2 लाख 6 हजार रुपये आणि उत्तरपत्रिका ठेवण्यात आलेल्या कंट्रोल रुमची चावी असा मुद्देमाल ताब्यात घेतला आहे. 

इंजिनिअरिंगच्या विद्यार्थ्यांना गणितात पास होण्यास भिती वाटते अशांकडून पैसे घ्यायचे आणि त्यांना परीक्षेत पास करायचे. प्रोफेसरला आर्थिक फायदा मिळवण्यासाठी त्यांनी विद्यार्थ्यांकडून 10 - 50 हजार रुपयांची मागणी केली आणि त्याबदल्यात विद्यार्थ्यांना पुन्हा एकदा परीक्षा सोडवायला दिली. दरम्यान, या प्रकरणात पोलिसांनी आरोपींना घेरलं आहे. 

हेही वाचा : RCB च्या विजयावर विरजण, विजयी मिरवणुकीत भयंकर चेंगराचेंगरीत अनेक चाहत्यांचा मृत्यू... नेमकं काय घडलं?

कंट्रोल रुमची बनावट चावी तयार करुन उत्तरपत्रिका जप्त 

विद्यार्थ्यांमधील मुख्य आरोपी प्राध्यापक प्रतीक सातव आणि साथीदारांनी ज्या विद्यार्थ्यांना गणित 2 विषयात नापास होण्याती भिती वाटत होती अशा विद्यार्थ्यांना धारेवर धरलं. सातव आणि साथीदाकांनी विद्यार्थ्यांकडून प्रत्येकी 10 - 50 हजार रुपये घेतले. अभियांत्रिकी महाविद्यालयातील कंट्रोल रुमची बनावट चावी तयार करत उत्तरपत्रिकांचे सहा सीलबंद बंडल काढून घेण्यात आले. विद्यार्थ्यांनी सोडवलेल्या पोलिसांनी काढून घेतल्या आणि त्यांना पुन्हा लिहिण्याची संधी दिली.