"पतीला पाळीव उंदीर म्हणणं मानसिक क्रूरता..." घटस्फोटाच्या 'त्या' प्रकरणात हायकोर्टाचा धक्कादायक निर्णय...

2010 मध्ये पत्नी माहेरी गेली अन्...

अचानक, वाद सुरू असताना पत्नीने गर्भपातासाठी सहमती देण्यासाठी भाग पाडलं आणि स्वत:ला जखमी करून घेतल्याचा आरोप पतीने केला. संबंधित महिला नेहमी तिच्या पतीला पाळीव उंदीर म्हणून अपमानित करायची आणि ही बाब मानसिक क्रूरता असल्याचं हायकोर्टाने सांगितलं. सतत वादाला कंटाळून ऑगस्ट 2010 मध्ये पत्नी माहेरी निघून गेली आणि ती परत सासरी परतलीच नसल्याचं पतीने सांगितलं. 

पतीचे आरोप खरे असल्याचं समजून ट्रायल कोर्टाने दोघांचा घटस्फोट मंजूर केला होता. उच्च न्यायालयाने सुद्धा पत्नीची क्रूरता आणि पतीने तिच्यावर केलेले पळून जाण्याचे आरोप खरे असल्याचं आढळून  आलं आणि यामुळे न्यायालयाने घटस्फोट मंजूर केल्याचं सांगितलं जात आहे. दरम्यान, कोर्टाने पत्नीचं अपील फेटाळून लावल्याची देखील माहिती आहे. 

हे ही वाचा: दीर आणि वहिनीचे अनैतिक संबंध, पतीचा संपवण्याचा भयानक कट अन् अखेर निर्घृण हत्या! नेमकं प्रकरण काय?

न्यायालयाने काय सांगितलं? 

जस्टिस रजनी दुबे आणि जस्टिस अमितेंद्र किशोर प्रसाद यांच्या डिव्हिजन बँचच्या मते, पत्नीने वैवाहिक कर्तव्यांचं पालन केलं नसल्याचं पती आणि त्याच्या कुटुंबियांची साक्ष तसेच पत्नीने दिलेल्या जबाबावरून स्पष्ट होतं. ऑगस्ट 2010 मध्ये पतीपासून वेगळं राहणं हे पलायन ठरत असल्याचं देखील न्यायालयाने सांगितलं. 

पत्नीचे उलट आरोप...

पत्नीने पतीच्या सगळ्या आरोपांना नकार दिला असून तिने आपल्या पतीवर दारू पिऊन सतत शिवीगाळ करत असल्याचा आरोप केला. तसेच, सासरचे लोक सुद्धा आपला स्वीकार करत नसल्याचं देखील पत्नीने सांगितलं. 

हे ही वाचा: ठाणे: "मी परत कधीच येणार नाही, मुलांकडे लक्ष दे..." पत्नीला फोनवर सांगितली 'ती' गोष्ट; नंतर नदीत उडी मारली अन्...

आरोपी पत्नी सरकारी लायब्रेरिअन म्हणून काम करत असून ती महिन्याला जवळपास 47 हजार रुपये कमवत असल्याचं न्यायालयाने मान्य केलं. तसेच, पती बँकेत अकाउंटन्ट म्हणून काम करत असून त्याला मासिक 35 हजार पगार असल्याची माहिती आहे. मात्र, आपल्या मुलाचं पालनपोषण आणि शिक्षणाच्या खर्चाचं ओझं आईवरच आहे. यामुळे कोर्टाने पत्नीला 5 लाख रुपये कायम पोटगी देण्यचे आदेश दिले आहेत.