हत्येच्या आरोपाखाली तुरुंगात गेली अन् कैद्याच्या प्रेमात पडली... जेलमध्ये घडलं भलतंच

त्यानंतर, तिने 2 मे 2018 रोजी दुष्यंतला भेटण्यासाठी बोलवलं आणि नंतर ती त्याला बजाज नगरमधील तिच्या फ्लॅटवर घेऊन गेली. ठरल्याप्रमाणे, तिचा प्रियकर दीक्षांत आणि त्याचा मित्र लक्ष्य वालिया आधीच तिथे त्यांची वाट पाहत होते. तिघांनी दुष्यंतला ओलीस ठेवलं आणि त्याच्या वडिलांकडून 10 लाख रुपयांची खंडणी मागितली. वडिलांनी दुष्यंतच्या खात्यात 3 लाख रुपये जमा केले. दुष्यंतला सोडल्यास अटक होईल या भीतीने, तिघांनी त्याचा गळा दाबून खून केला. दुष्यंतची ओळख लपवण्यासाठी, त्यांनी त्याचा चेहरा विद्रुप केला आणि त्याचा मृतदेह सुटकेसमध्ये भरल्यानंतर तो आमेरच्या डोंगरात फेकून दिला. 

शिक्षणासाठी जयपूरला आली अन् चुकीची संगत... 

मृताच्या वडिलांनी दाखल केलेल्या एफआयआरच्या आधारे, 3 मे 2018 रोजी पोलिसांनी दुष्यंतचा मृतदेह ताब्यात घेतला. 4 मे रोजी पोलिसांनी प्रिया, दीक्षांत आणि लक्ष्य वालिया यांना अटक केली. पाली येथील रहिवासी असलेल्या प्रिया सेठ एका सुशिक्षित कुटुंबातील असून तिचे आजोबा प्राचार्य होते, तिचे वडील महाविद्यालयीन लेक्चरर होते आणि तिची आई सरकारी शाळेत शिक्षिका होती. दहावी आणि बारावीत तिला चांगले गुण मिळाल्यामुळे तिच्या पालकांनी तिला पुढील शिक्षणासाठी जयपूरला पाठवलं आणि त्यानंतरच ती चुकीच्या मार्गावर गेली. 

तरुणांना आपल्या जाळ्यात ओढण्यास सुरुवात

प्रिया जयपूरमध्ये तिच्या एका नातेवाईकाच्या घरी राहून शिक्षण घेत होती. पण, ती वाईट संगतीत अडकली आणि एका पेइंग गेस्ट हाऊसमध्ये राहू लागली. तिच्या महागड्या इच्छा पूर्ण करण्यासाठी तिने तरुणांना आपल्या जाळ्यात ओढायला सुरुवात केली. तिने एक वेबसाइट देखील तयार केली आणि त्याच्या आधारे पैसे उकळण्यास सुरुवात केली. याच काळात श्री गंगानगर येथील रहिवासी असलेल्या तसेच मुंबईत मॉडेलिंग करणाऱ्या दीक्षांत कामराशी प्रियाची मैत्री झाली. दोघेही जयपूरमध्ये लिव्ह-इन रिलेशनशिपमध्ये राहू लागले. 

प्रियकर आणि मित्रासोबत मिळून दुष्यंतची हत्या 

दुष्यंतची एका डेटिंग अॅपद्वारे प्रियाशी ओळख झाली. त्याने प्रियासमोर तो दिल्लीतील रहिवासी असून स्वत: करोडपती असल्याचा त्याने दावा केला. हीच गोष्ट लक्षात ठेवून प्रियाने त्याच्याकडून मोठी रक्कम उकळण्याची योजना आखली. तिने तिच्या कर्जबाजारी प्रियकर दीक्षांत आणि त्याच्या मित्रालाही तिच्या योजनेत सामील केलं. शेवटी, तिघांनी मिळून दुष्यंतची हत्या केली.

हे ही वाचा: मुंबई पोलीस उपनिरीक्षकाच्या मुलाला पळवण्याचा प्रयत्न, आईच्या शहाणमुळे आरोपी पकडला गेला...

24 मे 2024 रोजी जयपूर न्यायालयाने प्रिया सेठ, दीक्षांत आणि लक्ष्य वालिया यांना हत्या प्रकरणात दोषी ठरवत जन्मठेपेची शिक्षा सुनावली. आरोपी लक्ष्य वालिया हा त्याच्या आईचा एकुलता एक मुलगा असून त्याच्या वडिलांचं निधन झालं आहे. दरम्यान, 2 ऑक्टोबर 2017 रोजी रात्री शिवाजी पार्कमध्ये होणाऱ्या हनुमान प्रसाद याने तायक्वांडो खेळाडू संतोष शर्माचा पती बनवारीलाल आणि त्यांच्या चार मुलांची हत्या केली. त्याने त्यांना झोपेच्या गोळ्या देऊन बेशुद्ध केलं आणि चाकूने त्यांचा गळा चिरला. हत्येनंतर, बडोदा मेओ येथील रहिवासी असलेला हनुमान ट्रेनने उदयपूरला पळून गेला. दोन दिवसांनंतर, पोलिसांनी त्याला अटक केली.

तपासात असं दिसून आलं की संतोष आणि हनुमानचे एकमेकांसोबत प्रेमसंबंध होते. सर्वात महत्त्वाची गोष्ट म्हणजे संतोष त्यावेळी हनुमानपेक्षा 10 वर्षांनी मोठा होता. त्यांचं प्रेम इतकं बहरत गेलं की त्यांनी एकमेकांसोबत लग्न करण्याचा निर्णयही घेतला. संतोषने आपल्या पती आणि मुलांच्या हत्येसाठी हनुमानची मदत घेतली होती. 

प्रिया सेठ 33 वर्षांची आहे, तर हनुमान प्रसाद 32 वर्षांचा आहे. दोघांच्याही लग्नाची औपचारिक पत्रिका छापण्यात आली असून जयपूरच्या खुल्या तुरुंगात शिक्षा भोगत असलेले हनुमान प्रसाद आणि प्रिया सेठ यांच्यात जवळीक निर्माण झाली. त्यांच्यात एक प्रेमकहाणी फुलली आणि ते सहा महिन्यांपासून रिलेशनशिपमध्ये असल्याचं वृत्त आहे. आज, 23 जानेवारी रोजी त्यांनी लग्नगाठ बांधली आणि हे लग्न संपूर्ण परिसरात चर्चेचा विषय बनलं आहे.