हे ही वाचा : मुस्लीम व्यावसायिकाशी प्रेमविवाह, धर्मांतरण, चार मुलं आणि छळ; हिंदू धर्मात घरवापसी केलेल्या सायली सुर्वेचं प्रकरण काय?

पुस्तके दाखवण्याच्या बहाण्याने घरात शिरला

मिळालेल्या माहितीनुसार, रविवारी सायंकाळी उशिरा पुस्तके दाखवण्याचे कारण सांगून या शिक्षकाने घरात घुसून 14 वर्षीय मुलीवर अत्याचार करण्याचा प्रयत्न केला. पीडित मुलगी जेव्हा फाटलेल्या कपड्यांसह रडत घराबाहेर आली, तेव्हा तिच्या कुटुंबीयांना धक्काच बसला. आरोपी शिक्षक घरातून पळून जाण्याचा प्रयत्न करत असतानाच गावकरी आणि कुटुंबीयांनी त्याला पकडून पोलिसांच्या स्वाधीन केले. त्यानंतर पीडितेच्या तक्रारीवरून गुन्हा दाखल करण्यात आला असून पोलिसांनी आरोपीला अटक करून तुरुंगात धाडले आहे.

यापूर्वीही विद्यार्थिनींसोबत गैरवर्तन

आरोपी शिक्षकाची ओळख प्राथमिक शाळेतील शिक्षक घनश्याम गोस्वामी अशी पटली आहे. स्थानिकांनी दिलेल्या माहितीनुसार, यापूर्वीही या शिक्षकावर शाळेतील विद्यार्थिनींची छेड काढल्याचे आरोप झाले होते. त्यावेळी समाजातील प्रतिष्ठित व्यक्तींच्या मध्यस्थीमुळे तो अनेकदा वाचला होता. सूत्रांनी दिलेल्या माहितीनुसार, या शिक्षकाने चौथ्यांदा ही चूक केली आहे. यामुळे ग्रामस्थांमध्ये तीव्र संताप आणि तणावाचे वातावरण आहे.

हे ही वाचा : गडचिरोली : आई-वडिलांचं छत्र हरपलेल्या 8 वर्षीय मुलीवर बलात्कार, मामाच्या घरात काय घडले?

शिक्षणाधिकारी काय म्हणतात?

यासंदर्भात माहिती देताना पोलिसांनी सांगितले की, आरोपी शिक्षकाला अटक करण्यात आली असून त्याच्याविरुद्ध गुन्हा नोंदवून पुढील कायदेशीर कारवाई केली जात आहे. दुसरीकडे, या प्रकरणाबाबत विचारणा केली असता ब्लॉक शिक्षण अधिकारी मो.अतहर हुसेन यांनी सांगितले की, हे प्रकरण त्यांच्या निदर्शनास आले असून संबंधित शाळेकडून या शिक्षकाबाबत खुलासा मागवून विभागाला अहवाल सादर केला जाईल.