पोलिसांना फोन करुन मुलीनं काय सांगितलं?

चाईल्ड लाईनच्या पथकाला घडलेला प्रकार सांगताना पीडित मुलगी म्हणाली, 'मी माझी धाकटी बहीण, वडील आणि आजीसोबत गुणामध्ये राहते. आई-वडिलांचे भांडण व्हायचे, त्यामुळे 8 वर्षांपूर्वी आई आम्हाला सोडून ग्वाल्हेरला निघून गेली. वडिलांना दारूचे व्यसन होते, त्यामुळे त्यांच्या मित्रांचे घरी येणे-जाणे असायचे. फिरोज काका सुद्धा वडिलांसोबत घरी यायचे. ते जेव्हा जेव्हा घरी यायचे, तेव्हा माझ्याकडे टक लावून बघायचे.

हे ही वाचा : मुंबई : सायन-पनवेल हायवेवर भीषण अपघात, पायलिंग रिगखाली चिरडून पोलीस कॉन्स्टेबलचा मृत्यू

छातीला स्पर्श, कमरेवर हात

25 डिसेंबर 2025 रोजी फिरोज काका, त्यांची पत्नी, मुले, माझे वडील, माझी बहीण आणि आणखी एक काका आम्ही सर्वजण कोटा (राजस्थान) येथे गेलो होतो. फिरोज काकांनी कोटा येथे आपल्या पत्नी आणि मुलांना सोडले आणि आम्ही सर्वजण परत आलो. वाटेत परत येत असताना मी आणि फिरोज काका गाडीच्या मधल्या सीटवर बसलो होतो. वडील आणि त्यांचे मित्र पुढच्या सीटवर, तर माझी धाकटी बहीण मागच्या सीटवर एकटीच बसली होती. त्याच वेळी फिरोज काकांनी वाईट हेतूने माझ्या छातीला स्पर्श केला आणि कमरेवर हात ठेवला, ज्यामुळे मी घाबरले. मी वडिलांना सांगून गाडी थांबवली आणि माझ्या बहिणीसोबत मागच्या सीटवर जाऊन बसले.

हे ही वाचा : बुधवार पेठेत कारवाई, कथित वेश्याव्यवसाय रॅकेटचा पर्दाफाश; 14 बांगलादेशी नागरिकांसह 18 जण ताब्यात

तू तोंड दाखवायला लायक राहणार नाहीस

गुणा येथे पोहोचल्यानंतर मी या धक्क्यातून सावरू शकले नाही. वडिलांचे मित्र फिरोज काका घरी यायचे तेव्हा मला धमकावायचे. तू आंघोळ करत असताना मी तुझा व्हिडिओ बनवला आहे, जर तू माझे ऐकले नाहीस तर हा व्हिडिओ व्हायरल करेन, अशी धमकी ते द्यायचे. तू कुठेही तोंड दाखवायला लायक राहणार नाहीस, असे ते म्हणायचे. फिरोज काका माझ्यावर वारंवार दबाव टाकत होते, ज्यामुळे मी प्रचंड घाबरले होते. मी ही गोष्ट कोणालाही सांगू शकत नव्हते. माझी धाकटी बहीणही माझी अवस्था पाहून अस्वस्थ होती. अखेर कशीबशी हिंमत एकवटून मी चाईल्ड लाईनकडे तक्रार करत आहे.'

हे ही वाचा : जुन्नर तालुक्यात दुर्दैवी घटना, शेततळ्यात बुडून दोन चिमुरड्यांचा अंत; ग्रामस्थ हळहळले

फिरोजवर गुन्हा दाखल

पीडितेच्या तक्रारीनंतर पोलिसांनी उशिरा रात्री आरोपी फिरोज सलीम खान याला त्याच्या घरातून अटक केली असून रात्री 12 वाजता एफआयआर (FIR) नोंदवण्यात आला आहे. फिरोज हा पेशाने हॉकर असून त्याचे इतर महिलांशीही संबंध असल्याचे समोर आले आहे. फिरोज आपल्या मित्राच्या मुलीवर वाईट नजर ठेवून होता, पण मुलीच्या धैर्यामुळे त्याचे मनसुबे उधळले गेले. पोलिसांनी सांगितले की, आरोपीविरोधात भारतीय न्यायसंहितेच्या विविध कलमांन्वये आणि पॉक्सो अॅक्ट अंतर्गत गुन्हा नोंदवण्यात आला आहे. सध्या पीडितेची मेंटल ट्रॉमा केअरमध्ये काउन्सलिंग चालू आहे.