बहिणीचा सांगाडा उकरुन बाहेर काढला

दुसरा कोणताही कायदेशीर वारस नसल्यामुळे, मुंडा यांनी काही दिवसांपूर्वी पैसे काढण्यासाठी बँकेशी संपर्क साधला होता. मात्र, बँक अधिकाऱ्यांनी पैसे काढण्याची प्रक्रिया पूर्ण करण्यासाठी त्यांना मृत्यू प्रमाणपत्र आणि इतर आवश्यक कागदपत्रे सादर करण्यास सांगितले होते. मात्र, मुंडा आवश्यक कागदपत्रे सादर करू शकले नाहीत आणि त्यामुळे त्यांनी स्मशानभूमीतून आपल्या बहिणीचा सांगाडा उकरून बाहेर काढला.

हे ही वाचा : मुंबई : बीएमसी कर्मचाऱ्यांना ड्रेनेजमध्ये सापडला महिलेचा मृतदेह, पोलिसांनी 24 तासात कसा लावला छडा?

पत्रकारांना काय सांगितले?

अशिक्षित असलेल्या जीतु मुंडा यांनी पत्रकारांना सांगितले की, 'मी अनेकदा बँकेत चकरा मारल्या, पण तिथल्या लोकांनी मला सांगितले की ज्यांच्या नावावर पैसे जमा आहेत त्या खातेदाराला घेऊन या. मी त्यांना सांगितले की तिचा मृत्यू झाला आहे, तरीही त्यांनी माझे ऐकले नाही आणि तिला बँकेत आणण्याचा आग्रह धरला. त्यामुळे नैराश्यातून मी तिची कबर खोदली आणि तिच्या मृत्यूचा पुरावा म्हणून तिचा सांगाडा बाहेर काढला.'

हे ही वाचा : जालना : अंत्यविधीसाठी आलेल्या 55 वर्षीय व्यक्तीची दगडाने ठेचून हत्या, घटनेनं शहर हादरलं

पोलीस करणार मदत

माहिती मिळताच बँकेत पोहोचलेले पाटना पोलीस स्टेशनचे प्रभारी निरीक्षक (IIC) किरण प्रसाद साहू म्हणाले, 'जीतु हा एक अशिक्षित आदिवासी माणूस आहे. त्याला कायदेशीर वारस किंवा वारसदार काय असतो हे माहित नाही. मृत व्यक्तीच्या खात्यातून पैसे काढण्याची प्रक्रिया समजावून सांगण्यात बँक अधिकारी अपयशी ठरले आहेत.' मात्र, या घटनेनंतर पोलिसांनी जीतु मुंडा यांना त्यांच्या मृत बहिणीच्या बँक खात्यातून पैसे मिळवून देण्यासाठी मदत करण्याचे आश्वासन दिले. त्यानंतर पोलिसांच्या उपस्थितीत तो सांगाडा पुन्हा स्मशानभूमीत दफन करण्यात आला.

हे ही वाचा : Maharashtra Weather : राज्यात पुन्हा दुहेरी संकट, वादळ वारं सुटणार, 'या' जिल्ह्यांचं अवघड होणार

वारसदाराचाही मृत्यू

दरम्यान, स्थानिक गटविकास अधिकारी (BDO) मानस दंडपत म्हणाले की, दिवंगत कालरा मुंडा यांच्या कायदेशीर वारसाबाबत कोणीही त्यांच्याकडे संपर्क साधला नव्हता. 'आजच मला याबद्दल माहिती मिळाली. या समस्येचे निराकरण करण्यासाठी काय करता येईल ते आम्ही पाहू,' असे बीडीओ म्हणाले. बँकेच्या सूत्रांनी दिलेल्या माहितीनुसार, कालरा मुंडा यांच्या बँक खात्यातील वारसदार देखील मृत झाला होता. त्यामुळे जीतु मुंडा हेच त्या पैशांचे एकमेव दावेदार होते.

स्थानिक प्रशासनाने बँक अधिकाऱ्यांना योग्य ती व्यवस्था करण्याचे आणि नियमानुसार एकमेव दावेदार असलेल्या जीतु मुंडा यांना लवकरात लवकर पैसे मिळतील याची खात्री करण्याचे निर्देश दिले आहेत.