मशीनखाली चिरडले गेले कॉन्स्टेबल संतोष चव्हाण

मिळालेल्या माहितीनुसार, वाशी पुलाच्या अलीकडे हायवेवर बीएमसीच्या 'रोड ट्रॅफिक अँड ब्रिज डिपार्टमेंट'चे काम सुरू होते. तिथे पायलिंग रिग मशीनच्या साहाय्याने जमिनीचे खोदकाम केले जात होते. काम सुरू असतानाच अचानक मशीनचा तोल गेला आणि ती पूर्णपणे उलटली. त्याच वेळी तिथून जात असलेले कॉन्स्टेबल संतोष चव्हाण या मशीनखाली चिरडले गेले आणि गंभीर दुखापत झाल्यामुळे त्यांचा मृत्यू झाला.

हे ही वाचा : बुधवार पेठेत कारवाई, कथित वेश्याव्यवसाय रॅकेटचा पर्दाफाश; 14 बांगलादेशी नागरिकांसह 18 जण ताब्यात

सुरक्षिततेच्या नियमांकडे दुर्लक्ष

अपघातानंतर लगेचच घटनास्थळी मोठी खळबळ उडाली. पोलीस आणि प्रशासनाने घटनास्थळी धाव घेत तपास सुरू केला आहे. इतकी वजनदार यंत्रसामग्री अचानक कशी काय उलटली? तिथे सुरक्षिततेच्या नियमांकडे दुर्लक्ष करण्यात आले होते का? असे मोठे प्रश्न आता उपस्थित होत आहेत.

हे ही वाचा : कोल्हापूर हादरलं, 15 तरुणींना प्रेमाच्या जाळ्यात ओढत केले लैंगिक अत्याचार, अश्लील व्हिडिओ बनवत वेगवेळ्या लॉजवर...

बांधकाम थांबवण्यात आले

सध्या हायवेवरील बांधकामाचे काम थांबवण्यात आले आहे. हायवेवरून ती अवजड रिग मशीन हटवण्याला आता प्राधान्य दिले जात आहे, जेणेकरून वाहतूक सुरळीत होऊन काम पुन्हा सुरू करता येईल. पोलिसांनी दिलेल्या माहितीनुसार, सध्या 'एडीआर' (ADR) दाखल करण्यात आला असून, मृताचे नातेवाईक आल्यानंतर पुढील कायदेशीर कारवाई केली जाईल.