छिछोरे सिनेमाला मिळालेला पुरस्कार सुशांतला समर्पित

या ट्विटर पोस्टमध्ये नमूद केल्यानुसार, “अभिनेता सुशांत सिंग राजपूतला हा पुरस्कार समर्पित केला जातोय. आम्हाला तु खूप आवडतोस रॉकस्टार! नितेश तिवारी, श्रद्धा कपूर तसंच सिनेमाच्या टीमला शुभेच्छा. हा पुरस्कार आमच्या सिनेमाला मिळाला असल्याने आम्हाला गर्व वाटतोय.” अभिनेता सुशांतने या सिनेमामध्ये प्रमुख भूमिका साकारली होती. सुशांतसोबत अभिनेत्री श्रद्धा कपूर या सिनेमात झळकली होती. तर नितेश तिवारी यांनी चित्रपटाचं दिग्दर्शन केलं आहे.

छिछोरे सिनेमा लहान मुलांच्या संघर्षावर बनवण्यात आला आहे. ज्यामध्ये जीवनात कितीही अपयश आलं तरीही हार न मानण्याचा मेसेज देण्यात आला आहे. या सिनेमात सुशांतने अन्नीची भूमिका साकारली होती. गेल्यावर्षी छिछोरे सिनेमाला एक वर्ष पूर्ण झाल्यानंतर सिनेमाच्या टीमने इमोशनल व्हिडीयो शेअर करत सुशांतला श्रद्धांजली दिली होती.

14 जून 2020 रोजी बॉलिवूड अभिनेता सुशांत सिंग राजपूतने त्याच्या राहत्या घरी आत्महत्या केली होती. त्याच्या आत्महत्येने संपूर्ण देश हादरला होता. अजूनही त्याच्या मृत्यूमागील कारण समोर आलेलं नाही.