Pathaan : “ते काम दुसरं कोणी करु शकत नाही”; रेणुका शहाणे-SRK चा मजेशीर संवाद

Bollywood Super star Shahrukh Khan :

बॉलीवूड सुपरस्टार शाहरुख खानचा ‘पठाण’ चित्रपट (Pathaan Movie) अनेक विक्रम मोडत आहे. येत्या काही दिवसांत हा सर्वाधिक कमाई करणारा बॉलिवूडचा चित्रपट बनू शकतो, असं म्हणतं अनेक जाणकार या चित्रपटाचं भरभरुन कौतुक करत आहेत. बॉक्स ऑफिसवर पठाणची मोहिनी अजूनही कायम आहे. या मोहिनीपासून अभिनेत्री रेणुका शहाणेही (Renuka Shahane) स्वतःला लांब ठेवू शकली नाही. ती देखील आज सपत्नीक हा चित्रपट पाहण्यासाठी पोहचली. यावेळी ट्विटवरवरुन तिच्यात आणि शाहरुखच्या मजेशीर संवाद पाहायला मिळाला. (Renuka Shahane-SRK funny interaction on pathaan movie)

काय झालं नेमकं?

अभिनेत्री रेणुका शहाणे आज पती अशुतोष राणा यांच्यासमवेत पठाण चित्रपट पाहण्यासाठी गेली. यावेळी तिने ट्विटरवर एक पोस्टही शेअर केली. “Finally going to watch #Pathaan. Mausam bilkul sahi hai, kursi ki peti baandh li hai, with Col Luthra ji. अशी पोस्ट तिने ट्विट केली. यावर शाहरुख खानने मजेशीर रिप्लाय केला.

“Col Luthraji ko bataya aapne ki aap meri pehli heroine hain!! Or should we keep it a Top Secret otherwise he may fire me from the agency!!!” असा वॉर चित्रपटाचा संदर्भ देत शाहरुखने रिप्लाय केला. अशुतोष राणा यांनी वॉर चित्रपटामध्ये कर्नल लूथरा यांची भूमिका साकारली होती.

शाहरुखच्या या कमेंटवर रेणुका शहाणेने पुन्हा हसत रिप्लाय केला की, Hahaha unsey koi baat chhupti kahaan hai? Aaphi ne unhe antaryaami kahaa hai aur chaahey jo ho jaaye, woh aapko fire nahi kar saktey kyunki jo kaam aap kartey hain woah koi aur nahi kar saktaa, असं प्रत्तुत्तर तिने शाहरुखला केलं.

400 कोटींच्या पार पठाण

दुसऱ्या आठवड्यात कोणत्याही चित्रपटासाठी एवढा पैसा गोळा करणे खरोखरच इम्प्रेसिव्ह आहे. पठाणचे कलेक्शन रोज चकित करणारे आहे. यासह पठाणने 11 दिवसांत भारतीय बॉक्स ऑफिसवर 400 कोटींचा टप्पा पार करून पुन्हा इतिहास रचला आहे. शनिवारच्या उत्तम कमाईनंतर, रविवारी (5 फेब्रुवारी) चित्रपटाचे कलेक्शन गगनाला भिडण्याची शक्यता आहे.

आमिर खानचा ‘दंगल’ हा भारतीय बॉक्स ऑफिसवर 387 कोटींच्या कलेक्शनसह आतापर्यंतचा सर्वात मोठा बॉलिवूड चित्रपट होता. पण पठाणच्या शनिवारच्या कलेक्शनच्या अंदाजावरून शाहरुखचा पठाण हा आमिर खानच्या दंगलला मागे टाकत भारतीय बॉक्स ऑफिसवर सर्वात मोठा चित्रपट ठरला आहे. पठाणचा डंका जगभरातील बॉक्स ऑफिसवरही वाजत आहे. शाहरुखचा चित्रपट परदेशातही यशाची पताका फडकवत आहे. आता यापुढे पठाण किती कमावतो ते पाहू.