Viral Video: नराधम बाप.. छोट्या मुलाला गुरासारखं बडवलं, अंगावर काटा आणणारी घटना कॅमेऱ्यात कैद

हैदराबाद (तेलंगणा): एक नराधम बाप कशाचीही पर्वा न करता पाच ते सात वर्षाच्या मुलाला काठीने बेदम मारहाण करीत असल्याचा व्हिडिओ सध्या कालपासून सोशल मीडियावर व्हायरल होत आहे. आता या व्हीडिओतील व्यक्तीविरोधात अखेर पोलिसात गुन्हा देखील दाखल झाला आहे.

नेमकं प्रकरण काय?

अवघ्या पाच ते सात वर्षाच्या मुलाला अंगावर काठी तुटेपर्यंत मार देणारा नराधम बाप आणि अंगावर काठीचे घाव सोसत विनवण्या करताना दिसत आहे. मुलगा जिवाच्या आकांताने विनवणी करत असताना देखील नराधम बापाच्या काळाजाला अजिबात पाझर फुटला नसल्याचं या व्हीडिओमध्ये दिसत आहे.

दरम्यान, या प्रकरणी अशी माहिती मिळाली आहे की, हा व्हीडिओ तेलंगणामधील हैदराबाद शहरातील आहे.

पीडित मुलाच्या आईने पतीविरुद्ध तक्रार दाखल केल्यानंतर हैदराबाद पोलिसांनी अल्पवयीन मुलाला काठीने मारहाण केल्याप्रकरणी गुन्हा दाखल केला आहे.

तेलंगणा पोलीस अधिकारी अब्दुल खादर जिलानी यांनी दिलेल्या माहितीनुसार, अशोक घंटे असे आरोपीचे नाव असून त्याने नातेवाईकाच्या घरी मुलाने मस्ती केल्याच्या कारणावरून आपल्या मुलाला काठीने बेदम मारहाण केली.’

मुलाने एका नातेवाईकाच्या घरी मस्ती केल्याने त्याला प्रचंड मारहाणे केली. एवढंच नव्हे तर आपल्या छोट्या मुलीला मारहाणीचं फोनवर रेकॉर्डिंग करण्यास सांगितलं.

धक्कादायक ! नवऱ्याने मोबाईल दिला नाही म्हणून बायकोने विळीने केली मारहाण, नवऱ्याचे ओठच कापले

दरम्यान, पीडित मुलाची आई जेव्हा घरी आली तेव्हा तिला संपूर्ण प्रकार समजला आणि प्रचंड धक्काच बसला. ज्यानंतर महिलेने याप्रकरणी आपल्या पतीविरोधात पोलिसात तक्रार दाखल केली.

पोलिसांनी याबाबत अशी माहिती दिली की, ही घटना शनिवारी घडली. पण व्हीडिओ सोशल मीडियावर व्हायरल झाल्यानंतर ही संपूर्ण घटना समोर आली. त्यानंतर आता आम्ही गुन्हा दाखल केला असून तपास सुरु केला आहे.

हा व्हीडिओ व्हायरल झाल्यानंतर आता सोशल मीडियातून प्रचंड संताप व्यक्त केला जात आहे. आपल्या छोट्या मुलाला अशा प्रकारे मारहाण करणारा बाप किती निर्दयी आहे हेच व्हीडिओमधून दिसतं आहे. त्यामुळे व्हीडिओ व्हायरल झाल्यानंतर आरोपी बापाला पोलिसांनी कठोरातील कठोर शासन करावं अशी मागणी केली जात आहे.

सध्या पोलिसांनी या प्रकरणातील आरोपीविरुद्ध गुन्हा दाखल केला आहे. मात्र, त्याला अद्याप अटक झालेली आहे की नाही हे समजू शकलेलं नाही. पण या सगळ्या प्रकाराबाबत अनेकांनी तीव्र शब्दात नाराजी व्यक्त केली आहे.