बायकोचा बॉयफ्रेंडसोबतचा अश्लील फोटो गावभर व्हायरल झाला, नवऱ्याने काय केलं?

हेही वाचा : वसई : सुट्टी असल्याने मुलं क्रिकेट खेळायला गेली, पण समोरचं भयंकर दृश्य पाहून पळत सुटली!

 लुधियानाहून परतताच रचला सापळा; प्रेयसीनेच फोन करून बोलावले मृत्यूच्या दारात

अजय आणि तब्बू यांचे काही आक्षेपार्ह फोटो आणि व्हिडिओ सोशल मीडियावर व्हायरल झाले होते, ज्यामुळे असलम चिडला होता. जीवाला धोका असल्याचे ओळखून अजय दोन महिन्यांपूर्वी पंजाबमधील लुधियाना येथे कामासाठी पळून गेला होता. मात्र, 6 तारखेला तो गावात परतल्याची माहिती मिळताच असलमने आपल्या पत्नीला सोबत घेऊन हत्येचा कट रचला. 8 तारखेच्या रात्री अजय एका कार्यक्रमावरून परतत असताना, प्रेयसी तब्बूने त्याला फोन करून भेटायला बोलावले. अजय तिथे पोहोचताच आधीच दबा धरून बसलेल्या असलम आणि त्याच्या साथीदारांनी त्याला पकडले. त्यांनी अजयला बेदम मारहाण केली आणि त्याच्या प्रेयसीच्या डोळ्यादेखत त्याची निर्घृण हत्या केली.

हेही वाचा : प्रेयसीच्या लग्नाला जाणं पडलं महागात, जीवाला मुकला तरुण; नेमकं काय घडलं?

हत्येला आत्महत्येचे रूप देण्याचा प्रयत्न; डॉग स्क्वॉडने 12 तासांत शोधले खुनी

हत्या केल्यानंतर हा प्रकार आत्महत्येचा वाटावा म्हणून आरोपींनी पुरावे नष्ट करण्याचा प्रयत्न केला. त्यांनी अजयचा मृतदेह त्याच्याच घराच्या जवळील जनावरे बांधण्याच्या ठिकाणी नेला आणि तिथे दोरीने गळफास लावलेल्या स्थितीत लटकवून दिला. सकाळी मृतदेह पाहून गावात खळबळ उडाली. मात्र, पोलिसांनी तपास चक्रे वेगाने फिरवली. पोलीस अधीक्षक आणि डीएसपींच्या सूचनेवरून डॉग स्क्वॉड आणि एफएसएल टीमला बोलावण्यात आले. खोजी कुत्रा घटनास्थळावरून थेट आरोपीच्या घरापर्यंत जाऊन थांबला, ज्यामुळे पोलिसांना मोठा पुरावा मिळाला. पोलिसांनी केवळ 12 तासांच्या आत या गुन्ह्याचा छडा लावत हत्येचे रहस्य उलगडले.

 प्रेयसीला बेड्या, पती असलम फरार; सुरीने केला होता वार

या प्रकरणी पोलिसांनी कारवाई करत प्रेयसी तब्बूला अटक केली आहे. चौकशीत तिने आपला गुन्हा कबूल केला असून पती असलमच्या दबावाखाली आपण अजयला फोन करून बोलावल्याचे सांगितले. असलम हा आधीच दोन खून प्रकरणातील आरोपी असून तो परिसरात दबंग मानला जातो. तो नातेवाईकांकडे मांस कापण्याचे काम करत होता आणि त्याच शस्त्राने त्याने अजयवर वार केले. पोलिसांनी घटनास्थळावरून रक्ताने माखलेली माती, मोबाईल आणि दोरीचे तुकडे जप्त केले आहेत. सध्या मुख्य आरोपी असलम आणि त्याचे साथीदार फरार असून पोलीस त्यांचा शोध घेत आहेत. या निर्घृण हत्याकांडामुळे बिहारमध्ये संतापाची लाट उसळली आहे.

इतर महत्त्वाच्या बातम्या 

कोर्ट मॅरेज केले अन् तीनच महिन्यात झाली हत्या, 22 वर्षीय मोनिकासोबत काय घडलं?