रायगड : व्हेल माशाची उलटी बाळगणाऱ्या तिघांना गुन्हे शाखेने केली अटक

१० जानेवारी रोजी मुरूड तालुक्यातील काशिद गावचे नाक्यावर तीन जण त्यांचे कडील दोन मोटार सायकलवरून, शासनाने बंदी घातलेल्या व्हेल माशाची उल्टी घेऊन खरेदी व विक्रीकरीता घेवून येणार असल्याबाबत स्थानिक गुन्हे अन्वेषण शाखेला मिळाली होती. या माहितीच्या आधारावर पोलिसांनी सापळा रचला होता.

यावेळी पोलिसांनी मिळालेल्या माहितीच्या आधारावर अलिबाग – मुरुड रोडवरील सदगुरु कृपा गेस्ट हाऊसवर छापा मारला. या कारवाईत पोलिसांनी दर्पण रमेश गुंड, नंदकुमार थोरवे, राजेंद्र ठाकूर या तिघांना अटक केली. या तिघांकडून व्हेल माशाची ५ किलो उलटी आणि दोन मोटारसायकल असा एकूण ५ लाख ९० हजाराचा मुद्देमाल जप्त केला आहे. पोलीस या प्रकरणाचा अधिक तपास करत आहेत.