Rajan Salvi : ठाकरेंच्या आमदाराभोवती एसीबी चौकशीचा फास आवळला

–राजेश गुडेकर, रत्नागिरी

वैभव नाईकांपाठोपाठ शिवसेनेचे (उद्धव बाळासाहेब ठाकरे) उपनेते आणि आमदार राजन साळवी हे गेल्या काही दिवसांपासून एसीबीच्या (लाचलुचपत प्रतिबंधात्मक विभाग) रडार आले आहेत. राजन साळवी रायगड एसीबीच्या चौकशीमुळे चर्चेत असून, त्यांच्याभोवती चौकशीचा फास आवळला जात असल्याचं दिसत आहे. कारण आता एसीबीने जिल्हाधिका इतकंच नाही, तर ठाकरे गटातील विधानसभेच्या संभाव्य उमेदवारालाही नोटीस आल्यानं वेगवेगळ्या चर्चा राजकीय वर्तुळात सुरू झाल्या आहेत.

रायगड एसीबीकडून राजन साळवी यांच्या मालमत्तेची चौकशी सुरू आहे. याबाबत राजन साळवी यांचे स्वीय सहाय्यक सुभाष मालप यांची देखील चौकशी झाली. दरम्यान, राजन साळवी यांनी आमदार झाल्यापासून म्हणजेच 2009 पासून आमदार निधीतून आतापर्यंत खर्च केलेल्या निधीची आणि कामांची माहिती जिल्हा नियोजन विभागाकडे रायगड एसीबीनं मागविली आहे. तसेच कार्यालयात जाऊन चौकशी केली असल्याची माहिती आमदार राजन साळवी यांनी दिली आहे.

“माझ्या चौकशीत तुम्हाला काहीही सापडणार नाही, पण तुम्हाला मला अडकवायचं असेल, तर जरूर अडकवा. माझ्यावर गुन्हा दाखल करा. मला अटक करा, जेलमध्ये पाठवा. मी कोणत्याही धमकीला घाबरत नाही. पण माझ्यामुळे शासकीय यंत्रणा आणि इतर कोणाला त्रास देऊ नका”, असा इशारा राजन साळवी यांनी दिला आहे.

नाईक, साळवी, देशमुख… ३ महिन्यात ठाकरेंचा तिसरा आमदार रडारवर

Rajan Salvi ACB Inquiry : एसीबीने जिल्हाधिकाऱ्यांकडे कोणती माहिती मागितली?

रायगड एसीबीकडून राजन साळवी यांच्यासंदर्भातील काही प्रश्न उपस्थित करण्यात आले असून, त्यासंदर्भात जिल्हाधिकाऱ्यांकडून माहिती मागवण्यात आली आहे.

-सन 2009 पासून आजपावेतो आमदार राजन प्रभाकर साळवी यांच्या आमदार निधीतून किती निधी खर्च करण्यात आला. वर्षनिहाय माहिती पुरविण्यात यावी.

-वर्षनिहाय आमदार निधीतून करण्यात आलेल्या कामांची यादी.

-कामाचा ठेका देण्यात आलेल्या ठेकेदाराचे पूर्ण नाव व पत्ता, तसेच कामाची अंदाजित रक्कम.

-ठेकेदाराला कार्यारंभ आदेश दिल्याची तारीख, ठेकेदाराने काम पुर्ण केल्याची तारीख, ठेकेदाराला कामाचे बिल अदा केल्याची तारीख.

Rajan Salvi : नोटिसीनंतर उद्धव ठाकरेंशी काय बोलणं झालं? राजन साळवींची पुढची भूमिका ठरली!

ठाकरे गटाच्या संभाव्य उमेदवारालाही अडकवणार?, राजन साळवी म्हणतात…

रत्नागिरी जिल्ह्यातील ज्येष्ठ शिवसैनिक आणि जिल्हा परिषदेचे माजी उपाध्यक्ष उदय बने यांना देखील माझ्या चौकशीच्या अनुषंगाने एसीबीने नोटीस पाठवली असल्याची माहिती आमदार राजन साळवी यांनी दिली आहे. याबाबत राजन साळवी म्हणाले, “पुढच्या विधानसभा निवडणुकीसाठी रत्नागिरी विधानसभा मतदारसंघाचे संभाव्य उमेदवार उदय बने असू शकतील आणि तो उमेदवार त्यांना त्यादृष्टीने जड असेल. त्यामुळे या सरकारला उदय बने यांनाच छाटायचं आहे. त्यांना त्रास द्यायचा आहे. त्यांना अडकवायचं आहे, ही भूमिका त्यांची असू शकते, असं मला वाटतं,” असा दावा आमदार राजन साळवींनी केला आहे.