पहिला पाऊस पहिलीच आठवण... मुंबईकरांना पावसात करावी लागणार वणवण!

पाणी उपसणारे पंप

पाणी उपसणारे पंप नजरेस न पडल्याने प्रवाशांना प्रवासादरम्यान समस्यांचा सामना करावा लागत असल्यामुळे त्यांच्यामध्ये संतापाची लाट उसळल्याचं पाहायला मिळतंय. आता यावरुन रेल्वेनेच असे पाणी उपसण्याचे पंप बसवले नसल्याचा आरोप प्रवासी करत आहेत.

हे ही वाचा: भुयारी मेट्रोचा पहिल्याच पावसात खेळखंडोबा! मुंबईकरांचा संताप, प्रशासनावर चिडले

मान्सूनपूर्व नियोजनाकडे दुर्लक्ष

खरंतर, पाऊसाचं आगमन होण्याआधीच रेल्वे प्रशासन यासंबंधी समस्या ओढवू नयेत यासाठी पूर्वनियोजन करते. यासंबंधी वेगवेगळ्या प्रकारची कामे करण्यात प्रशासनाकडून करण्यात येतात. पाऊस येण्यापूर्वी प्रशासन विविध कामे पार पाडून रेल्वे प्रवास सुरळीत करण्याच्या दृष्टीने प्रयत्न करते. मात्र, यावर्षी पाऊस वेळेआधीच कोसळला असल्यामुळे मुंबईतील जवळपास सर्व रेल्वे मार्गांवरील मान्सूनपूर्व तयारीच्या नियोजनाची वानवा असल्याचं समोर आलं आहे. 

हे ही वाचा: Honey Trap: तरुणीच्या जाळ्यात अडकला अन्.. ठाणे शहरातून पाकिस्तानला गोपनीय माहिती देणारा तो तरूण कोण?

रेल्वे प्रशासनाचं मत

आता यासंबंधी रेल्वे प्रशासनाकडे वेगवेगळे प्रश्न उपस्थित करण्यात आले. यासंदर्भात मध्य रेल्वेच्या म्हणण्यानुसार, 1 जूनपासून मुंबईतील रेल्वे स्थानकांवरील पंप कार्यान्वित होणार आहेत आणि असे रेल्वे स्थानकांवरील काम नियोजनानुसार सुरू आहे. 26 मे (सोमवारी) अचानक झालेल्या पावसामुळे मुंबईतील रेल्वे रुळांवर भरपूर प्रमाणात पाणी साचल्याचं पाहायला मिळालं. येत्या दिवसांमध्ये पावसामुळे रेल्वे प्रवाशांची वाताहत होऊ नये, यासाठी रेल्वे प्रशासनाकडून संबंधित उपाययोजना करण्यात याव्यात, अशी प्रवाशांनी मागणी केली आहे.