पाकिस्तानला जाणार चिनी जहाज मुंबईत रोखलं! कंटेनर उघडताच बिंग फुटलं

गुप्त माहितीच्या आधारे सीमाशुल्क अधिकाऱ्यांनी 'सीएमए सीजीएम अटिला' हे मालवाहू जहाज मुंबई बंदरात रोखले होते. या जहाजावर माल्टाचा झेंडा होता आणि ते चीनमधून कराची, पाकिस्तानला जात होते. कस्टम अधिकाऱ्यांनी जहाजाची तपासणी केली असता त्यातील एका कंटेनरमध्ये कॉम्प्युटर न्यूमेरिकल कंट्रोल (सीएनसी) मशीन ठेवण्यात आल्याचे दिसून आले.

सीएनसी मशीनचा वापर कुठे आणि का केला जातो?

मिळालेल्या माहितीनुसार ही घटना 23 जानेवारीला घडली. मुंबईच्या नवाहा शेवा बंदरावर थांबवलेले जहाज पाकिस्तानातील कराचीला पोहोचणार होते. त्यात सापडलेले कॉम्प्युटर न्यूमेरिकल कंट्रोल मशीन एक सुसंगतता आणि अचूकता निर्माण करते जी व्यक्तिचलितपणे करणे शक्य नाही. उत्तर कोरियाने आपल्या आण्विक कार्यक्रमात फक्त सीएनसी मशीनचा वापर केला होता.

डीआरडीओच्या एका टीमनेही मालाची तपासणी केली आणि सांगितले की, शेजारील देश त्याचा परमाणु कार्यक्रमासाठी वापर करू शकतो. तज्ज्ञांच्या मते, हे यंत्र पाकिस्तानच्या क्षेपणास्त्र विकास कार्यक्रमासाठी आवश्यक भाग बनवण्यातही खूप उपयुक्त ठरू शकते.

जहाजाच्या लोडिंग आणि कन्साइनमेंट दस्तऐवजांच्या बिलामध्ये, माल पाठवणाऱ्या कंपनीचे नाव 'Shanghai JXE Global Logistics Co., Ltd.' असे लिहिले होते. रीसिव्ह करणाऱ्या कंपनीचे नाव 'पाकिस्तान विंग्स प्रायव्हेट लिमिटेड' आणि माल पाठवणाऱ्या कंपनीचे नाव 'तायुआन मायनिंग इम्पोर्ट अँड एक्सपोर्ट कंपनी लिमिटेड' असे होते.

तपासादरम्यान, सुरक्षा यंत्रणांना असेही आढळून आले की 22,180 किलो वजनाची ही खेप पाकिस्तानच्या संरक्षण पुरवठादार 'कॉसमॉस इंजिनिअरिंग'साठी होती. ते क्षेपणास्त्र कार्यक्रमात वापरले जाईल की नाही याची खात्री करण्यासाठी तपास सुरू आहे.

या प्रकरणी पाकिस्तानने काय म्हटले?

या प्रकरणी पाकिस्तानच्या बाजूने एक वक्तव्य समोर आले आहे. माहितीनुसार, पाकिस्तानच्या प्रवक्त्याने भारतीय मीडियावर तथ्ये चुकीच्या पद्धतीने मांडल्याचा आरोप केला. तो म्हणाला की, 'जहाजातून आयात केला जाणारा माल कराचीस्थित व्यावसायिक कंपनीचा आहे जो देशाच्या ऑटोमोबाईल उद्योगाला भाग पुरवतो. यंत्रावरील माहिती स्पष्टपणे दर्शवते की ते व्यावसायिक कारणांसाठी त्याचा वापर होणार आहे. या प्रकरणी पाकिस्तान भारताचा निषेध करतो,' असंही प्रवक्ता म्हणाला.