Titan Submersible : टायटॅनिक बघायला जाणं ठरलं जीवघेणं, समुद्रात काय घडलं?
टायटॅनिक जहाजाचे अवशेष बघायला गेलेल्या टायटन पाणबुडीतील पाचही जणांचा दुर्दैवी मृत्यू झाला आहे. पाणबुडी चालवणारी ओशनगेटने याला दुजोरा देत मृतांना श्रद्धांजली वाहिली आहे.
ADVERTISEMENT
Titan Submersible Missing Latest News : टायटॅनिक जहाजाचे अवशेष बघायला गेलेल्या टायटन पाणबुडीतील पाचही जणांचा दुर्दैवी मृत्यू झाला आहे. पाणबुडी चालवणारी ओशनगेटने याला दुजोरा देत मृतांना श्रद्धांजली वाहिली आहे. पाणबुडीतील सर्व लोक बुडालेल्या टायटॅनिक जहाजाचे अवशेष पाहण्यासाठी खोल समुद्रात गेले होते. नंतर त्यांचा संपर्क तुटला. 18 जून रोजी ओशनगेट कंपनीची ही पाणबुडी प्रवासाला निघाली होती, मात्र पहिल्या 2 तासांतच संपर्क तुटला होता. (What is the submarine that is missing?)
रॉयटर्स या वृत्तसंस्थेने दिलेल्या माहितीनुसार, शोध पथकाला टायटॅनिक जहाजाजवळ हरवलेल्या पाणबुडीचे अवशेष सापडले आहेत. यूएस कोस्ट गार्डच्या माहितीनुसार पाणबुडीचे अवशेष सापडल्यानंतर तज्ज्ञांच्या पथकाने तपास सुरू केला आहे. कॅनडाच्या एका जहाजात बसलेल्या मानवरहित रोबोटने पाणबुडीचे अवशेष शोधून काढल्याचे सांगण्यात येत आहे.
ओशनगेटच्या सीईओंसह प्रसिद्ध व्यक्तींचा मृत्यू
टायटन पाणबुडीवर बसलेले पाचही लोक सुप्रसिद्ध अब्जाधीश होते. त्यात ओशनगेटचे सीईओ स्टॉकटन रश, प्रिन्स दाऊद आणि त्याचा मुलगा सुलेमान दाऊद, हमिश हार्डिंग आणि पॉल-हेन्री नार्गिओलेट यांचा समावेश होता.
18 जून रोजी अमेरिकन कंपनी ओशनगेटची ही पाणबुडी टायटॅनिकचे अवशेष दाखवण्यासाठी प्रवासाला निघाली होती. टायटॅनिकची सांगाड्यापर्यंत जाणे, तिथे फिरणे आणि नंतर परत येणे असा सुमारे आठ तासांचा हा प्रवास असतो.
हे वाचलं का?
