सिद्धू मुसेवाला हत्या : करण जोहरही होता लॉरेन्स बिश्नोई गँगच्या रडारवर; महाकाळची धक्कादायक माहिती

पंजाबी गायक सिद्धू मुसेवाला याची पंजाबमधील मानसा जिल्ह्यात हत्या करण्यात आली. त्याच्या सिद्धू मुसेवालाच्या हत्येमध्ये पोलिसांना काही जणांवर संशय असून, त्यात पुण्यातील संतोष जाधव आणि सौरभ महाकाळ ऊर्फ सिद्धेश कांबळे यांचा समावेश आहे.

या प्रकरणाची माहिती मिळाल्यानंतर पुणे पोलिसांनी दोघांचा शोध सुरू केला होता. दोघेही २०२१ पासून फरार होते. संतोष जाधव याने राण्या बाणखेले याची हत्या केली होती. त्याचा पोलिसांकडून शोध घेतला जात होता.

अखेर त्याला गुजरातमधील भूज जिल्ह्यातून अटक करण्यात आली. तर सौरभ महाकाळ याला मकोका गुन्ह्यातील आरोपीला आश्रय दिल्याप्रकरणी अटक केलेली आहे.