मनसुख हिरेन मृत्यू प्रकरणी परिवाराने त्यांचा मृतदेह ताब्यात घेण्यासाठी नकार दिला आहे. शुक्रवारी सकाळी साडे दहा वाजल्याच्या दरम्यान हिरेन यांचा मृतदेह मुंब्रा येथील खाडीत सापडला होता. मुकेश अंबानी यांच्या घरासमोर आढळलेली संशयित स्कॉर्पिओ हिरेन यांच्या ताब्यात असल्यामुळे या प्रकरणाला वेगळं वळण लागलंय. शुक्रवारी रात्री हिरेन यांच्यावर पोस्ट मार्टम करण्यात आलं. मात्र पोस्ट मार्टमचा अहवाल पोलिसांनी अजून जाहीर केला नाहीये.
पोलिस जाणुनबुजून पोस्ट मार्टम रिपोर्ट सादर करत नसल्याचा आरोप करत हिरेन यांच्या परिवाराने त्यांचा मृतदेह ताब्यात घेण्यासाठी नकार दिलाय. पोस्ट मार्टम रिपोर्ट जाहीर करण्याची मागणी हिरेन यांच्या परिवाराकडून केली जाते आहे. ठाणे पोलिसांचे अधिकारी हिरेन यांच्या परिवाराची समजून काढण्याचा प्रयत्न करत आहेत.
कोण होते मनसुख हिरेन?? त्या दिवशी काय घडलं, जाणून घ्या घटनाक्रम
दरम्यान, एटीएसच्या अधिकाऱ्यांनी या प्रकरणाचा तपास सुरु केला आहे. एटीएसचं एक पथक जिकडे मनसुख यांची बॉडी सापडली त्या भागाची पाहणी करत आहे. शुक्रवारी विधानसभेत गदारोळ झाल्यानंतर गृहमंत्री अनिल देशमुख यांनी प्रकरणाचा तपास एटीएसकडे सोपवला होता.
ठाणे पोलीसांचा भाग नसलेले सचिन वाझे पोस्ट मार्टमच्या ठिकाणी कसे?
