अमरावतीमध्ये ATS ची मोठी कारवाई, १२०० जिलेटीनच्या कांड्याही जप्त; दोन आरोपींना अटक

शहरात रात्री पेट्रोलिंग करत असताना अमरावती ATS च्या अधिकाऱ्यांना वडगाव माहूरे रोडवर दोन इसम अवैधरित्या एका चारचाकी गाडीत जिलेटीनच्या कांड्या बाळगून असल्याची माहिती मिळाली. मिळालेल्या माहितीवरुन ATS अधिकाऱ्यांनी गाडीची तपासणी केली असता, त्यात ६ पेट्यांमध्ये एकूण १२०० जिलेटीनच्या कांड्या सापडल्या. ज्यानंतर ATS ने कानसिंग राणावत आणि सुरज बैस या दोन आरोपींना अटक केली असून त्यांच्याजवळील दोन फोन, चारचाकी गाडी असा १० लाखांपेक्षा जास्तीचा मुद्देमाल पोलिसांनी जप्त केला आहे.

अमरावती शहरात इतक्या मोठ्या प्रमाणात जिलेटीनचा साठा आणल्यामुळे एकच खळबळ उडाली आहे. दरम्यान या जिलेटीनच्या कांड्या दोन्ही आरोपींनी कोणत्या कारणासाठी आणल्या होत्या याचा तपास सुरु आहे. अनेकदा शेतामध्ये खोदकाम किंवा इतर कामांसाठीही शेतकरी जिलेटीनच्या कांड्याचा वापर करतात.

सचिन वाझेंना घेऊन NIA कडून महत्वाच्या जागांवर Crime Recreation