बीकेसीमध्ये गल्ल्या आणि फुटपाथच नूतनीकरण होणार

आंतरराष्ट्रीय बीकेसीमध्ये आता पायाभूत सुविधामध्ये सुधारणा करण्यावर भर देण्यात येत आहे. बीकेसीतून जाणाऱ्या मेट्रो लाईनमुळे या सुधारणा करण्यात येणार आहेत.

बीकेसी परिसरात झालेल्या ट्रॅफिक सर्व्हेनुसार असलेली जागा आणि त्यांचा वापर करणाऱ्या व्यक्ती यांचं प्रमाण व्यस्त असल्याचं आढळलं आहे. या त्रुटी दूर करण्यासाठी मुंबई मेट्रो रिजन डेव्हलपमेंट अथॉरीटीने (एमएमरडीए) एका आंतरराष्ट्रीय कंपनीची नेमणूक करण्यात आली आहे. ही कंपनी शहर रचना, सुविधा, जागा इत्यादीचा विचार करुन त्यानुसार सुधारणा करण्यावर भर देणार आहे.

बीकेसी परिसरातील जी ब्लॉक भागात तिथली ट्रॅफिक जंक्शन्स आणि आतल्या गल्ल्यांमध्ये यादृष्टीने बदल करण्यात येणार आहेत. यावेळी त्या भागात असणाऱ्या झाडांना दुखापत होणार नाही याची काळजी घेण्यात येणार असल्याचे एमएमआरडीएतर्फे सांगण्यात आले आहे.

बीकेसीमधून जाणाऱ्या मेट्रो लाईनमुळे या भागातील पादचाऱ्यांमध्ये वाढ होणार आहे. त्याबरोबरच बाईक शेअरिंगचा उपक्रम एमएमआरडीएतर्फे राबविण्यात आल्यामुळे त्याकडे लोकांचा ओढा वाढत आहे. यासाठी बीकेसी परिसरामध्ये आंतरराष्ट्रीय दर्जाच्या मुलभूत सुविधांची गरज भासणार आहे. त्यादृष्टीने या भागात सुधारणा करण्यावर भर देण्यात येणार आहे.