आर्यन खानची दिवाळी ‘मन्नत’वर; बॉम्बे हायकोर्टाने केला जामीन मंजूर

Bombay High Court grants bail to Aryan Khan in drugs-on-cruise case pic.twitter.com/MerVWcfpYZ

— ANI (@ANI) October 28, 2021

आर्यन खान, मुनमुन धमेचा आणि अरबाझ मर्चंट या तिघांनाही जामीन मंजूर करण्यात आला आहे. डिटेल ऑर्डर उद्या दिली जाणार आहे. दिवाळीच्या आधी या तिघांना जामीन मंजूर करण्यात आला आहे. त्यामुळे आर्यन खान, मुनमुन धमेचा आणि अरबाझ मर्चंट यांना उद्या किंवा परवा तुरुंगाबाहेर येता येणार आहे. आर्यन खानला 3 ऑक्टोबरला अटक करण्यात आली होती.

आर्यन खानला सत्र न्यायालयाने दोनदा जामीन नाकारला होता. एवढंच नाही तर हायकोर्टानेही मागचे दोन दिवस सुनावणी राखून ठेवली होती. जर आर्यनला आज किंवा उद्या जामीन मंजूर झाला नसता तर त्याची दिवाळी तुरुंगातच होणार होती. मात्र मुकुल रोहतगी यांनी आज ही माहिती दिली आहे की उद्या किंवा परवा म्हणजेच शुक्रवारी किंवा शनिवारी आर्यन खानला तुरुंगाबाहेर येता येणार आहे. तीन दिवस हे प्रकरण सुनावणीसाठी मुंबई हायकोर्टात होती.