भोर तालुक्यात बैलगाडा शर्यतीचं आयोजन, चौघांवर गुन्हा दाखल

स्पर्धेच्या आयोजकांनी बैलगाडा शर्यतीचं आयोजन करत असताना स्पर्धकांनी सहभाग घ्यावा यासाठी पोलिसांनी आम्ही मॅनेज केलं आहे…त्यामुळे स्पर्धेला परवानगी मिळाली आहे अशी बतावणी केली. सध्या कोविडमुळे निर्माण झालेली परिस्थिती पाहता राज्य सरकारने सार्वजनिक कार्यक्रम, धार्मिक कार्यक्रम, उत्सव यांवर बंदी घातली आहे. दरम्यान पोलिसांना या घटनेची माहिती मिळताच, पोलीस निरीक्षक विलास देशपांडे यांच्या पथकाने घटनास्थळावर जाऊन कारवाई करत वाहनं आणि बैलगाडा जप्त केला आहे.

स्पर्धा सुरु असताना अचानक पोलिसांची धाड पडल्यानंतर स्पर्धकांची चांगलीच धावपळ झाली. या स्पर्धेचं आयोजन केल्याप्रकरणी पोलिसांनी दोन स्पर्धक आणि आयोजकांवर गुन्हा दाखल केला असून पोलीस घटनेचा तपास करत आहेत.