मलाही अटक करा, लसीकरणाबद्दल प्रश्न विचारत राहुल गांधींचं नरेंद्र मोदींना आव्हान

मोदीची आमच्या मुलांसाठीची लस विदेशात का दिलीत? असा प्रश्न विचारत पोस्टर्स उभारणाऱ्या लोकांवर दिल्ली पोलिसांनी कारवाई केली आहे. यानंतर राहुल गांधी यांनी आपल्या ट्विटर हँडलवर हे पोस्टर ठेवत मोदी सरकारला आता मलाही अटक करा असं आव्हान दिलं आहे.

Arrest me too.

मुझे भी गिरफ़्तार करो। pic.twitter.com/eZWp2NYysZ

— Rahul Gandhi (@RahulGandhi) May 16, 2021

राहुल गांधींनी हे पोस्टर ठेवल्यानंतर काँग्रेसच्या महासचिव प्रियांका गांधी यांनीही आपला ट्विटरवरचा प्रोफाईल पिक्चर बदलत मोदींना आव्हान दिलं आहे.

#NewProfilePic pic.twitter.com/xVkSuREOF0

— Priyanka Gandhi Vadra (@priyankagandhi) May 16, 2021

देशातील अनेक राज्यांसह महाराष्ट्रातही गेल्या काही दिवसांपासून लसीचा तुटवडा जाणवत आहे. लस उपलब्ध होत नसल्यामुळेच अनेक राज्यांनी १ मे पासून सुरु झालेलं १८ ते ४४ वयोगटाचं लसीकरण थांबवलं आहे. मुंबईसारख्या शहरात आजही अनेक केंद्रांवर लस उपलब्ध होत नसल्यामुळे लसीकरण केंद्र बंद ठेवण्यात आली आहेत. अशा परिस्थितीत देशातील लसीच्या साठ्यावरुन सत्ताधारी विरुद्ध विरोधकांमध्ये आरोपांच्या फैरी झडताना दिसत आहेत.