Crime: शिव्या दिल्या अन् जीव गमवला, थरकाप उडवणारी घटना

पोलिसांनी दिलेल्या माहितीनुसार आरोपी व मृतकांमध्ये दोन दिवसापूर्वी किरकोळ कारणावरून शिवीगाळ झाली होती. याचाच राग मनात धरून आरोपीने अशोकला मारण्याचा कट रचला होता. रात्रीच्या सुमारास उल्हासनगर कॅम्प नंबर तीन भागातील बालकंजी बारी शाळेजवळ अशोक वाघमारे हा उभा असतानाच दोघा आरोपींनी अचानक येऊन त्याच्यावर धारधार शस्त्राने हल्ला करून त्याला जागीच ठार केलं आणि त्यानंतर घटनास्थळावरुन पळ काढला होता.

अशोकच्या खुना प्रकरणी मध्यवर्ती पोलीस ठाण्यात गुन्हा दाखल करून आरोपींचा शोध घेण्यासाठी स्थानिक पोलीस व उल्हासनगर गुन्हे शाखेचे पथक समांतर तपास करत असतानाच 19 फेब्रुवारी रोजी उल्हासनगर गुन्हे शाखेचे वरिष्ठ पोलीस निरीक्षक राजेंद्र अहिरे यांना गुप्त माहितीच्या आधारे दोन्ही आरोपींचा ठावठिकाणा लागला होता.

Nalasopara Crime: क्रूर! लिव्ह इन पार्टनरची हत्या, बेडमध्ये लपवला मृतदेह

त्या आधारे पुणे येथील वाकड परिसरात आरोपी वास्तव्य करत असल्याची खात्रीलायक माहिती मिळाली होती. त्या माहितीच्या आधारे सदर ठिकाणी वरिष्ठ पोलीस निरीक्षक राजेंद्र अहिरे यांच्या नेतृत्वाखाली ज्ञानेश्वर महाजन, अर्जुन मुत्तलगिरी ,मिलींद मोरे,पिंट्या थोरवे आणि निलेश अहिरे या पोलीस पथकाने सापळा रचून पप्पू उर्फ पपडया या आरोपीला ताब्यात घेतले.

विवाहित प्रेयसीला आधी मंदिरात नेले नंतर तिची हत्या करून मृतदेहाचे तुकडे केले

त्यानंतर दुसरा आरोपी अमित हा अंबरनाथ शहरात लपून बसल्याची माहिती मिळताच, गुन्हे शाखेच्या पोलीस पथकाने अंबरनाथमधून त्याला ताब्यात घेतले. दरम्यान, दोघांना उल्हासनगर गुन्हे शाखेच्या कार्यलयात आणून त्यांच्याकडे चौकशी केली असता, दोघांनी हत्या केल्याची कुबली पोलिसांना दिली. त्यानंतर दोघांना मध्यवर्ती पोलिसांच्या ताब्यात देण्यात आलं. आज (21 फेब्रुवारी) दोन्ही आरोपीना न्यायालयात हजर केले असता कोर्टाने त्यांना 24 फेब्रुवारीपर्यत पोलीस कोठडी सुनावली आहे. या गुन्ह्याचा अधिक तपास सध्या मध्यवर्ती पोलीस करीत आहेत.