गुजरातचे नवे मुख्यमंत्री निवडण्यासाठी मोदी-शाहांचा ‘महाराष्ट्र पॅटर्न’

भूपेंद्र पटेल हे पहिल्यांदा 2017 साली आमदार म्हणून निवडून आले. त्यानंतर अवघ्या चारच वर्षात भूपेंद्र पटेल यांच्या गळ्यात मुख्यमंत्री पदाची माळ पडली आहे.

गुजरातमध्ये जेवढ्या आश्चर्यकारकरित्या विजय रुपाणी यांना मुख्यमंत्रीपदावरुन पायउतार व्हावं लागलं तेवढ्याच आश्चर्यकारकरित्या नवे मुख्यमंत्री म्हणून भूपेंद्र पटेल यांच्या नावाची घोषणा झाली. त्यामुळे मोदी-शाह आणि जे.पी. नड्डा यांच्या नव्या भाजपने आपला ‘सरप्राइज’ फॅक्टर कायम ठेवला.

मात्र, गुजरातचे नवे मुख्यमंत्री निवडताना यावेळी मोदी-शाह यांनी महाराष्ट्र पॅटर्नचा वापर केल्याचं दिसून येत आहे.