हिंगोली: शेतीच्या वादातून हत्या, दुहेरी हत्याकांडात 9 जणांना जन्मठेपेची शिक्षा

हिंगोली जिल्ह्यातील जामठी गावात चार वर्षांपूर्वी शेतीच्या वादातून बाप लेकाचा धारधार शस्त्राने हत्या केल्याची धक्कादायक घटना घडली होती. याच प्रकरणी सोमवार (29 नोव्हेंबर) हिंगोली अपर जिल्हा व सत्र न्यायालयाने 9 जणांना जन्मठेपेची शिक्षा सुनावली आहे.

सरकारी वकील एन. एस. मुटकुळे यांनी दिलेल्या माहितीनुसार जामठी (खुर्द) येथे अंबादास आबाजी भवर, प्रल्हाद आबाजी भवर आणि रामप्रसाद आबाजी भवर यांच्यात वडिलोपार्जित जमिनीवरून वाद सुरु होता.

22 जानेवारी 2016 रोजी शेत नांगरणी केल्याच्या करण्यावरून पुन्हा वाद झाला. वादाचं स्वरूप बदलून हाणामारीत झालं. यामध्ये आंबादास भवर, उद्धव भवर, संजय भवर यांना कुऱ्हाड, तलवारीने मारहाण करण्यात आली होती. यावेळी आंबादास भवर आणि उद्धव भवर यांचा दवाखान्यात दाखल करते वेळी रस्त्यातच मृत्यू झाला होता.