लॉकडाउनचा फटका : हॉटेल व्यवसायिकांनी घेतली शरद पवारांची भेट

अनिल परब माझ्या कामात अडथळा आणत आहेत – काँग्रेस आमदार झिशान सिद्दीकी यांचा आरोप

या बैठकीत हॉटेल व्यवसायिकांनी लॉकडाउन काळात होणारं आर्थिक नुकसान व इतर अडचणींचा सामना करावा लागत असल्याची माहिती शरद पवारांना दिली. याआधीही कोरोनाच्या पहिल्या लाटेचा सामना करत असताना हॉटेल व्यवसायिकांना चांगलाच फटका सहन करावा लागला होता. या शिष्ठमंडळाशी भेट झाल्यानंतर शरद पवार यांनी मुख्यमंत्री उद्धव ठाकरे यांना पत्र लिहून हॉटेल व्यवसायिकांना काही स्वरुपातल्या सवलती देण्याबद्दल पत्र लिहीलं आहे.

कोविड-१९ ह्या जागतिक महामारीच्या दुसर्‍या लाटेने महाराष्ट्रात चिंताजनक परिस्थिती निर्माण झाली आहे. कोरोना संक्रमणाची साखळी तोडायची असल्याने पुनश्च संचारबंदीचा निर्णय राज्य शासनाला घ्यावा लागला. याचा परिणाम अनेक व्यवसाय-धंद्यांवर झाला असून हा वर्ग आर्थिक संकटात सापडला आहे. pic.twitter.com/wc1l8Fs6FG

— Sharad Pawar (@PawarSpeaks) May 7, 2021

या पार्श्‍वभूमीवर हॉटेल व्यावसायिक आणि आदरातिथ्य क्षेत्रातील काही प्रतिनिधींनी त्यांच्या समस्यांबाबत मला अवगत केले. त्यांनी प्रामुख्याने मांडलेल्या काही मागण्यांकडे आज राज्याचे मा. मुख्यमंत्री श्री. उद्धव ठाकरे यांचे एका पत्राद्वारे लक्ष वेधले.@CMOMaharashtra #COVID19

— Sharad Pawar (@PawarSpeaks) May 7, 2021

या पत्रात शरद पवार यांनी FL-3 परवानाधारक आणि परमीट बार मालकांना अबकारी कराचा भरणा किमान ४ हप्त्यांमध्ये देण्याची सवलत द्यावी, वीज बिलात सूट, मालमत्ता करात सवलत अशा सवलती देण्याची मागणी केली आहे. मुख्यमंत्री या मागण्यांचा सहानुभूतीपूर्व विचार करतील अशी मला आशा आहे असा विश्वासही शरद पवारांनी यावेळी व्यक्त केला.