ठाणे : ‘त्या’ महिला अधिकाऱ्याची प्रकृती स्थिर, आरोपीला अटक

दरम्यान या घटनेनंतर विरोधी पक्षातील भाजपने पुन्हा एकदा सत्ताधारी शिवसेनेला कोंडीत पकडण्याचा प्रयत्न केला आहे.

ठाणे महापालिकेच्या सहाय्यक आयुक्त कल्पिता पिंपळे यांच्यावर हल्ला करुन एका फेरिवाल्याने तीन बोटे तोडल्याची अत्यंत चिड आणणारी घटना आज ठाण्यात घडली.

राज्यात कायद्याचे राज्य आहे का? सरकार नावाची गोष्ट शिल्लक आहे का?

महाराष्ट्रात कायदा सुव्यवस्थेचे एवढे धिंडवडे कधीच उडाले नव्हते!

— Adv. Ashish Shelar – ॲड. आशिष शेलार (@ShelarAshish) August 30, 2021

या हल्ल्याची दखल ठाणे महापालिकेचे महापौर नरेश म्हस्के यांनी घेतली असून या प्रकरणातील दोषीवर योग्य ती कारवाई होईल असं आश्वासन त्यांनी दिलं आहे. या घटनेत दोषी असलेल्यांवर योग्य कारवाई होईल कोणाचीही हयगय केली जाणार नाही. ठाण्याचे पालकमंत्री एकनाथ शिंदे यांनी महापालिका आयुक्त डॉ. विपीन वर्मा यांच्याशी चर्चा केली असून यात योग्य ती कारवाई करण्यात येणार असल्याचं आश्वासन महापौरांनी दिलं.

ठाणे पोलिसांनी या प्रकरणात तात्काळ कारवाई करत आरोपीला अटक केली आहे. कासारवडवली पोलीस ठाण्यात आरोपीविरुद्ध गुन्हा दाखल करण्यात आला असल्याची माहिती पोलीस उपायुक्त डॉ. विनय राठोड यांनी दिली आहे.

ठाण्यात महिला सहाय्यक उपायुक्तांची बोटं छाटली; फेरीवाल्यांवरील कारवाईवेळची भयंकर घटना