IND Vs Pak : भारत पाकिस्तान T20 सामन्याला आमचा विरोध-रामदास आठवले
भारत पाकिस्तान T20 सामन्याला आमचा विरोध आहे अशी सडेतोड भूमिका रिपाईचे नेते आणि केंद्रीय सामाजिक न्याय राज्यमंत्री रामदास आठवले यांनी घेतली आहे. पुण्यात ते पत्रकारांशी बोलत होते. अमित शाह यांचे चिरंजीव जय शाह हेदेखील याबाबत अमित शाह यांना सांगतील असंही रामदास आठवलेंनी म्हटलं आहे. सध्या काश्मीरमध्ये पाकिस्तानच्या दहशतवादी कारवाया सुरू आहेत त्यामुळे ही मॅच होऊ […]
ADVERTISEMENT
भारत पाकिस्तान T20 सामन्याला आमचा विरोध आहे अशी सडेतोड भूमिका रिपाईचे नेते आणि केंद्रीय सामाजिक न्याय राज्यमंत्री रामदास आठवले यांनी घेतली आहे. पुण्यात ते पत्रकारांशी बोलत होते. अमित शाह यांचे चिरंजीव जय शाह हेदेखील याबाबत अमित शाह यांना सांगतील असंही रामदास आठवलेंनी म्हटलं आहे. सध्या काश्मीरमध्ये पाकिस्तानच्या दहशतवादी कारवाया सुरू आहेत त्यामुळे ही मॅच होऊ नये असं वाटत असल्याचंही रामदास आठवलेंनी म्हटलं आहे.
काय म्हणाले आठवले?
काश्मीरमध्ये दहशतवादी विरोधात भारतीय सैन्याची सुरू असलेली चकमक अद्यापही थांबलेली नाही. अशातच भारताने पाकिस्तानला चोख प्रत्युत्तर द्यावे अशी आम्ही केली आहे. एवढंच नाही तर गरज पडल्यास भारताने पाकिस्तान सोबत युद्ध करावे अशीही मागणी पंतप्रधान नरेंद्र मोदी आणि केंद्रीय गृहमंत्री अमित शहा यांच्याकडे करणार असल्याची रामदास आठवले यांनी म्हटलं आहे.
गेल्या काही दिवसांपासून सीमेवर सुरू असलेल्या गोळीबारामुळे 11 मजुरांचा मृत्यू झाला आहे यामुळे रामदास आठवले यांनी पाकिस्तान वर जोरदार हल्लाबोल केला आहे. तसंच पाकिस्तानवर आणखीन एक सर्जिकल स्ट्राइक करण्याची वेळ आली आहे आणि पाकिस्तानला धडा शिकविण्याची गरज असल्याचेही आठवले यांनी स्पष्ट केले.