परमबीर सिंग यांच्या आरोपानंतर अनिल देशमुख राजीनामा देणार का??

परंतू अनिल देशमुख यांनी आपल्यावरील सर्व आरोप फेटाळून लावले आहेत. सिंग यांचं पत्र प्रसारमाध्यमांमध्ये आल्यानंतर अनिल देशमुख यांनी आपल्या ट्विटर अकाऊंटवरुन परमबीर सिंग स्वतःला वाचवण्यासाठी खोटा आरोप करत असल्याचं म्हटलं आहे.

मुकेश अंबानी प्रकरणी तसेच मनसुख हिरेन हत्याप्रकरणी सचिन वाजे यांचा सहभाग स्पष्ट होत असताना व त्याचे धागेदोरे तत्कालीन पोलिस आयुक्त श्री परमबिर सिंग यांच्यापर्यंत पोहोचणार असल्याची शक्यता तपासातून होत असताना

— ANIL DESHMUKH (@AnilDeshmukhNCP) March 20, 2021

परमबिर सिंग यांनी स्वतःला वाचवण्यासाठी तसेच पुढच्या कायदेशीर कारवाई पासून स्वतःचा बचाव करण्यासाठी हा खोटा आरोप केला आहे.

— ANIL DESHMUKH (@AnilDeshmukhNCP) March 20, 2021

मनसुख हिरेन यांचा मृत्यू आणि अंबानी यांच्या घराबाहेर स्फोटकांनी भरलेल्या स्कॉर्पिओ प्रकरणात गेल्या महिन्याभरापासून विरोधी पक्ष सरकारला धारेवर धरत आहे. विशेषकरुन अधिवेशनात देवेंद्र फडणवीसांच्या आक्रमक पवित्र्यासमोर गृहमंत्री अनिल देशमुख बॅकफूटवर गेलेले पहायला मिळाले. यानंतर NIA ने या प्रकरणाचा तपास हाती घेतल्यानंतर अनेक धागेदोरे समोर यायला लागले. ज्यानंतर विरोधी पक्षाकडून अनिल देशमुख यांच्या राजीनाम्याची मागणी व्हायला लागली. काही दिवसांपूर्वीच अनिल देशमुख दिल्लीत शरद पवारांना भेटून आले, त्यावेळी देशमुख यांचा राजीनामा घेतला जाईल अशी शक्यता वर्तवण्यात येत होती. परंतू आपल्या राजीनाम्याच्या बातमीत कोणतंही तथ्य नसल्याचं अनिल देशमुख यांनी स्पष्ट केलं होतं. यानंतर परमबीर सिंग यांच्या पत्रामुळे या प्रकरणाला वेगळं वळण मिळालं आहे. त्यामुळे गृहमंत्री अनिल देशमुख आता आपल्या पदाचा राजीनामा देणार का याकडे सर्वांचं लक्ष असणार आहे.