पंतप्रधान मोदींचा मुख्यमंत्री उद्धव ठाकरेंना फोन, रश्मी ठाकरेंच्या तब्बेतीची चौकशी

मुख्यमंत्र्यांच्या पत्नी रश्मी ठाकरे रिलायन्स हॉस्पिटलमध्ये दाखल

मुख्यमंत्री उद्धव ठाकरे यांच्या पत्नी रश्मी ठाकरे यांना दक्षिण मुंबईतील एच.एन. रिलायन्स रुग्णालयात दाखल करण्यात आलं आहे. २३ मार्च रोजी रश्मी ठाकरे यांच्या कोरोना चाचणीचा अहवाल पॉझिटिव्ह आला होता. ज्यानंतर रश्मी ठाकरे या होम क्वारंटाईन झाल्या होत्या. यानंतर रश्मी ठाकरेंना रिलायन्स रुग्णालयात दाखल करण्यात आलं आहे. रश्मी ठाकरे यांच्याआधी आदित्य ठाकरे यांनाही कोरोनाची लागण झाली होती.

कोरोना चाचणीचे दर आता आणखी कमी.. जाणून घ्या काय आहेत नवे दर?

महाराष्ट्रात कोरोनाची स्थिती गंभीर होत चालली आहे. २१ मार्च ते ३१ मार्च या कालावधीत महाराष्ट्रात ३ लाखांपेक्षा जास्त रूग्ण पॉझिटिव्ह आढळले आहेत. त्यामुळे महाराष्ट्रात लॉकडाऊन लागेल की काय अशीही चिन्हं आहेत. महाराष्ट्रातल्या काही जिल्ह्यांमध्ये निर्बंध कडक करण्यात आले आहेत. अशात ठाकरे कुटुंबीयातील दोन जणांना कोरोनाची लागण झाली.आधी पर्यटन मंत्री आणि उद्धव ठाकरेंचे पुत्र आदित्य ठाकरे यांना कोरोना झाला. त्यानंतर रश्मी ठाकरे पॉझिटिव्ह झाल्या. त्या आधी होम क्वारंटाईन होत्या.. मात्र त्यांच्या प्रकृतीत सुधारणा न झाल्याने त्यांना एच. एन. रिलायन्स रूग्णालयात दाखल करण्यात आलं. बुधवारी पंतप्रधान नरेंद्र मोदी यांनी रश्मी ठाकरेंच्या प्रकृतीबद्दल उद्धव ठाकरेंना फोन करून विचारणा केली.