एक अनोखं चॅनल आपल्या भेटीला, पाहा कसं असणार Good News Today

Good News Today चॅनल लाँच

इंडिया टुडे ग्रुपचं नवं चॅनल ‘गुड न्यूज टुडे’ हे आजपासून सुरू करण्यात आलं आहे. देशातून चांगल्या आणि खऱ्या बातम्या पोहोचवण्याच्या या अनोख्या विचारसरणीची सुरुवात रविवारी संध्याकाळी 7 पासून झाली आहे. इंडिया टुडे ग्रुपने एक असं चॅनल लाँच केलं आहे की, ज्याच्या माध्यमातून सकारात्मक बातम्या दाखवल्या जातील. या बातम्या दाखवण्यामागचा हेतू एवढाच आहे की, ज्यामुळे समाजात बदल घडवून आणण्यास मदत होईल. हे भारतातील पहिले असे चॅनेल असेल जिथे तुम्हाला फक्त सकारात्मक बातम्या दाखवल्या जातील. ज्यांनी देशाच्या विकासात महत्त्वपूर्ण योगदान दिलं आहे अशा अनेक माहित नसलेल्या नायकांच्या कथा इथे पाहायला मिळतील.

आतापर्यंत ‘आज तक’ आणि ‘इंडिया टुडे’च्या माध्यमातून तुम्हाला देश-विदेशातील प्रत्येक बातमी सर्वात वेगवान आणि अचूक पद्धतीने सांगितल्या जात होत्या. पण आता इंडिया टुडे ग्रुप एक पाऊल आणखी पुढे टाकत आहे. आता फक्त राजकारण किंवा गुन्हेगारी जगतातील बातम्या तुमच्यापर्यंत पोहोचवल्या जाणार नाहीत, तर प्रत्येक चांगली बातमी तुमच्या टीव्ही स्क्रीनवरही ‘गुड न्यूज टुडे’च्या माध्यमातून दाखवली जाईल. हे नवीन चॅनेल देखील वेगवान, अचूक, प्रामाणिक असेल, परंतु बातम्या दाखवण्याची शैली पूर्णपणे वेगळी आणि अद्वितीय असेल.