घात केला! भावाचा अपघात झाल्याचं सांगून घेऊन गेले अन् 5 जणांनी केला सामूहिक बलात्कार

यवत पोलिसांनी दिलेल्या माहितीनुसार दौंड तालुक्यातील खोर गावाच्या परिसरात ही घटना घडली आहे. नराधम पीडित महिलेल्या निर्जनस्थळी घेऊन गेले आणि आरोपींनी शनिवारी (29 जानेवारी) रात्री 8.30 ते 11.00 वाजेच्या दरम्यान सामूहिक बलात्कार केला. खोटं बोलून अत्याचार करणाऱ्या पाच आरोपींना यवत पोलिसांनी 24 तासांच्या आत अटक केली.

माझ्या नादी लागाल तर करेन ३०२; इन्स्टाग्रामवर अर्वाच्च भाषेत शिवीगाळ, ‘थेरगाव क्विन’ अटकेत

महिलेसोबत काय घडलं?

पीडित महिला रस्त्यावर उभी होती. यावेळी आलेल्या आरोपींनी महिलेला ‘तुझ्या भावाचा अपघात झाला आहे’, असं सांगितलं. त्यानंतर आरोपी पीडित महिलेला दुचाकीवर बसवून तीन किलोमीटर अंतरावर घेऊन गेले. आरोपींनी महिलेला एका निर्जनस्थळी नेलं आणि तिच्यावर पाच जणांनी बलात्कार केला.

पोलिसांचा मुळशी पॅटर्न ! दहशत माजवणाऱ्या आरोपींचं मुंडन करुन काढली धिंड

आरोपींच्या तावडीतून सुटका झाल्यानंतर पीडित महिलेनं यवत पोलीस ठाण्यात धाव घेऊन घडलेला प्रकार सांगितला. फिर्याद दिल्यानंतर पोलिसांनी घटनेची दखल घेत तातडीनं पाचही आरोपींना अटक केली. या प्रकरणामुळे दौंडमध्ये खळबळ उडाली आहे.