ही देशाच्या जनतेला अफूच्या धुंदीत ठेवायची प्रयोगशाळा – Kashmir Files वरुन सेनेची भाजपवर टीका

शिवसेना खासदार संजय राऊत यांनी आपल्या रोखठोक या सदरात, काश्मिर फाईल्स चित्रपटावरुन सुरु असलेल्या राजकारणाला, ही तर देशातील जनतेला गुंगीत आणि अफूच्या धुंदीत ठेवण्याची प्रयोगशाळा असल्याचं म्हटलंय.

“द कश्मीर फाईल्स दहशतवाद्यांचा कट असू शकतो, कारण…”; भाजपच्या मित्रपक्षाचा गंभीर आरोप

चार राज्यांतील विधानसभा निवडणुका जिंकल्यानंतर पंतप्रधान मोदी लगेच गुजरातला गेले आणि तिकडे त्यांनी विजयोत्सव साजरा केला. कारण यापुढच्या निवडणुका गुजरात, राजस्थान, मध्य प्रदेश आणि जम्मू-काश्मीरमध्ये होणार आहेत. उत्तर प्रदेशच्या निवडणुकीआधी भाजपने हिजाबचा मुद्दा लावून धरला. हिंदू-मुस्लीम समाजात दरी निर्माण केली. धर्म आणि जात याबाबत कमालीचा द्वेष निर्माण केला की लोकांना जगण्या-मरण्याच्या प्रश्नाचा विसर पडतो. आता पुढच्या निवडणुका जिंकण्यासाठी संघ परिवाराच्या प्रेरणेने द काश्मिर फाईल्स नावाचा सिनेमा पडद्यावर आणला आहे.