Tauktae Cyclone- अमरावती आणि यवतमाळला वादळी वाऱ्यासह पावसाने झोडपलं

तर दुसरीकडे नागपूर वेधशाळेने वर्तवलेला पावसाचा अंदाज आज खरा ठरला. यवतमाळ जिल्ह्याला जोरदार पावसाने झोडपून काढलंय. यवतमाळ शहरासह जिल्ह्यातील आर्णी, दिग्रस, पुसद, उमरखेड, महागाव तालुक्यात आज संध्याकाळी 4 वाजताच्या सुमारास तुफान वादळी वाऱ्यासह जोरदार पावसाला सुरुवात झाली. जोरदार वादळी वाऱ्याने अनेक झाडे कोसळून पडली. विद्युत तार तुटल्यामुळे काही गावांचा विद्युत पुरवठा खंडित झाला. पंधरा ते वीस मिनिटं जोरदार पाऊस झाला.

दरम्यान तौकताई वादळ हे 17 मे रोजी सकाळी 10 वाजेच्या सुमारास मुंबईच्या (Mumbai) आसपास पोहचणार आहे. त्यामुळे मुंबई आणि इतरच्या परिसरात पावसाच्या सरी बरसण्याची शक्यता आहे. मात्र, या वादळाचा मुंबई आणि जवळच्या परिसराला फारसा फटका बसत नसल्याचं सध्या तरी दिसतं आहे. मुंबईची रचना ही खोबणीत आहे. त्यामुळे सहसा वादळ हे मुंबईवर धडकत नसल्याचं आतापर्यंत पाहायला मिळालं आहे. मात्र असं असलं तरीही प्रशासन या वादळाला तोंड देण्यासाठी सज्ज झाली आहे. सोमवारी सकाळी 10 ते दुपारी 1 या दरम्यान तौकताई हे वादळ मुंबईहून पुढे सरकणार आहे.