Narendra Dabholkar हत्या प्रकरण: 8 वर्षे उलटली, मास्टरमाईंड मोकाटच! काय आहे प्रकरण?

आठ वर्षांपूर्वी विवेकवादी विचारांचे कार्यकर्ते आणि अंनिसचे प्रमुख नरेंद्र दाभोलकर यांची गोळ्या झाडून हत्या करण्यात आली. 20 ऑगस्ट 2013 ला डॉ. नरेंद्र दाभोलकर हे मॉर्निंग वॉकसाठी निघाले होते. तेव्हा बाईकवरून दोन अज्ञातांनी येऊन त्यांच्यावर गोळ्या झाडून त्यांची हत्या केली. या घटनेनंतर आणखी तीन घटना अशाच प्रकारे घडल्या. डाव्या विचारांचे गोविंद पानसरे यांची फेब्रुवारी 2015 मध्ये गोळ्या झाडून हत्या करण्यात आली. त्यानंतर MM कलबुर्गी यांची ऑगस्ट 2015 मध्ये हत्या करण्यात आली, पत्रकार गौरी लंकेश यांची सप्टेंबर 2017 मध्ये अशाच पद्धतीने हत्या करण्यात आली. दाभोलकर यांच्या हत्येला आठ वर्षे पूर्ण झाली आहेत तरीही या प्रकरणाचा सूत्रधार सापडलेला नाही.