समीर वानखेडे यांच्या निकाहनाम्यावर दाऊद नाव कसं आलं? ज्ञानेश्वर वानखेडेंनी दिलं उत्तर..

समीर वानखेडे यांचा निकाहनामा खरा आहे. त्यामध्ये जे नाव दाऊद असे लिहिण्यात आले आहे त्याबाबत विचारलं असता ज्ञानेश्वर वानखेडे यांनी म्हटलं आहे की ते माझ्या पत्नीने लिहिलं असावा. मला उर्दू समजत नाही ते नाव उर्दूत लिहिलेलं आहे. माझे नाव ज्ञानदेव आहे. दाऊद नाही, कदाचित माझ्या लग्नाच्या वेळी तिने हे नाव लिहिलं असेल असंही ज्ञानेश्वर वानखेडेंनी म्हटलं आहे.

मी काहीही लपवलेलं नाही. मी जन्माने हिंदू आहे. मी नवाब मलिक यांच्या विरोधात कोर्टात जाणार आहे काऱण त्यांनी माझी नाहक यथेच्छ बदनामी केली आहे. ते माझ्या विषयीची अत्यंत व्यक्तिगत माहिती समोर आणून मला आणि माझ्या कुटुंबीयांना बदनाम करत आहेत. मी निकाहनाम्यावर सही केली आहे. तिथे माझं नाव दाऊद लिहिलं गेलं होतं याची कल्पना मला नव्हती असंही ज्ञानेश्वर यांनी म्हटलं आहे.

ज्या अभिनेत्रींना बोलावलं गेलं त्यांना अटक झाली नाही, मालदिव दौऱ्याच्या खोलात जा -नवाब मलिक

‘आज ते काहीही म्हणत असले, तरी निकाह वेळी समीर मुस्लीम होते. शबाना मुस्लीम होती. लोखंडवाला येथे मोठं मोठे लोक तिथे लग्न करतात. तिथे दोन हजार लोक असतील. पंधरा मिनिटात निकाह लावून काझी परत जातो. इस्लामी पद्धतीने हा विवाह झाला. सगळे मुस्लीम होते. साक्षीदार मुस्लीम होते. वकील मुस्लीम होते आणि आईवडील सुद्धा मुस्लीम होते. जर मुलगा वा मुलगी हिंदू असल्याचं कळलं असतं, तर काझींनी निकाह लावला नसता. शरियतमध्ये अशा स्थितीत निकाह होत नाही. शरियतच्या विरोधात काझी करू शकत नाही. त्यावेळी दोघेही मुस्लीम होते’, असं मौलाना मुजम्मिल अहमद यांनी स्पष्ट केलं.

समीर वानखेडे यांचा डॉ. शबाना कुरेशी यांच्यासोबत 2006 मध्ये निकाह झाला होता. त्यानंतर त्यांचा 2016 मध्ये सहमतीने तलाक झाला होता. समीर वानखेडे यांनी 2017 मध्ये दुसऱ्यांदा विवाह केला. अभिनेत्री क्रांती रेडकर हिच्याशी ते दुसऱ्यांदा विवाहबद्ध झाले होते.