थेट लसीकरण केंद्रावर जाऊन घेता येणार लस, मुंबई महापालिकेचा मोठा निर्णय

मुंबई: कोरोनाला (Corona) आळा घालण्यासाठी लसीकरण (Vaccination) लवकरात लवकर होणं हे अत्यंत गरजेचं आहे. पण आतापर्यंत अनेकदा लस (Vaccine) उपलब्ध नसल्याने अनेक नागरिकांना लसीपासून वंचित राहावं लागत आहेत. त्यात इंटरनेटवरुन नोंदणी अनिवार्य असल्याने अनेक ज्येष्ठ नागरिकांना त्याचा फटका बसत होता. या सगळ्या गोष्टी लक्षात घेऊन आता मुंबई महानगरपालिकेच्या (BMC) सार्वजनिक आरोग्य खात्याने थेट लसीकरण केंद्रावर (On Spot – Walk in) लस दिली जाणार असल्याचं जाहीर केलं आहे. मात्र, यावेळी सरसकट सर्वांनाच केंद्रावर लस मिळणार नाही. यासाठी मुंबई महापालिकेने काही निकष आखून दिले आहेत.