Vidhan Sabha Live : यांच्यापेक्षा राहुल गांधी बरे ! अतुल भातखळकरांचा उद्धव ठाकरेंना टोला

भाजप आमदार अतुल भातळखकर यांनी मुख्यमंत्री उद्धव ठाकरेंवर निशाणा साधत, १७० आमदार पाठीशी असून इतकेही बळ नसेल तर उपयोग काय? यांच्यापेक्षा राहुल गांधी बरे असं ट्विट केलं आहे.

मुख्यमंत्री @OfficeofUT यांना
विधीमंडळ अधिवेशनापूर्वी पत्रकारांना संबोधित करण्याचे धाडस झालेले नाही.
१७० आमदार पाठीशी असून इतकेही बळ नसेल तर उपयोग काय? यांच्यापेक्षा राहुल गांधी बरे… pic.twitter.com/Aq2cEjb8bn

— Atul Bhatkhalkar (@BhatkhalkarA) July 4, 2021

दरम्यान या दोन दिवसीय अधिवेशनासाठीही विरोधकांनी आपली रणनिती निश्चीत केली आहे. मंत्र्यांचे कथित भ्रष्टाचार, मराठा आणि ओबीसींचे आरक्षण, लोकसेवा आयोगाच्या परीक्षार्थीची होणारी कोंडी आदी विषयांवर जाब विचारणार असल्याचे विरोधी पक्षनेते देवेंद्र फडणवीस यांनी जाहीर केले. विरोधकांकडून आक्रमक भूमिका घेतली जाईल या भीतीनेच सत्ताधाऱ्यांनी केवळ दोन दिवसांचे अधिवेशन घेतल्याची टीकाही फडणवीस यांनी केली.

शिवसेना आणि भाजप यांची पुन्हा युती होणार का? देवेंद्र फडणवीस म्हणतात…

दुसरीकडे, केंद्र सरकारच्या तीन कृषी कायद्यांबद्दल नापसंती, इतर मागासवर्गीय समाजाची (ओबीसी) सांख्यिकी माहिती मिळावी आणि मराठा आरक्षणासाठी घटनात्मक प्रक्रिया पार पाडावी, यासाठी आज, सोमवारपासून सुरू होणाऱ्या राज्य विधिमंडळाच्या अधिवेशनात सत्ताधारी महाविकास आघाडी ठराव मांडून केंद्रातील भाजप सरकारविरोधात भूमिका घेणार असल्याचे संकेत मिळत आहेत.

Monsoon Session 2021 : विरोधी पक्षाच्या उद्योगांचीही भांडाफोड होणं गरजेचं,शिवसेनेचा भाजपवर निशाणा