Rabri Devi: माजी सीएमच्या घरी सीबीआय पथक; ‘या’ घोटाळ्याप्रकरणी चौकशी

मुंबई तक

ADVERTISEMENT

Mumbaitak
social share
google news

CBI News : पाटना : बिहारच्या (Bihar) माजी मुख्यमंत्री राबडी देवी (Rabri devi) यांच्या निवासस्थानी आज (सोमवारी) सीबीआयने धडक दिली. मिळालेल्या माहितीनुसार सीबीआयने राबडी देवींची ४ तास कसून चौकशी केली. आयआरसीटीसी घोटाळ्याप्रकरणी म्हणजेच जमिनीच्या मोबदल्यात रेल्वेत नोकरी देण्याच्या प्रकरणात सीबीआयने त्यांची चौकशी केल्याचं सांगितलं जात आहे. राबडी देवी यांच्या चौकशीसाठी सीबीआयचे १२ सदस्यीय पथक आले होते. (The CBI team reached the residence of former Bihar Chief Minister Rabri Devi on Monday)

दरम्यान, या चौकशीवेळी राबडी देवी यांची मुले आमदार तेज प्रताप आणि उपमुख्यमंत्री तेजस्वी यादव हेही उपस्थित होते. सीबीआयने राबडी देवी यांना काही दिवसांपूर्वी चौकशीसाठी नोटीस दिली होती. तेव्हा ही चौकशी सीबीआय कार्यालयात होणार होती. मात्र नंतर त्यांना दिलासा देत सीबीआयने त्यांची त्यांच्या घरीच चौकशी करण्याचा निर्णय घेतला. राबडी देवी यांचे वकीलही त्यांच्या निवासस्थानी पोहोचले होते.

कार्यकर्त्यांची निवासस्थानाबाहेर निदर्शने :

दुसरीकडे सीबीआयच्या कारवाईला विरोध करत आरजेडीचे कार्यकर्ते राबडी देवींच्या घराबाहेर जमा झाले होते.कामगार शर्ट काढून आंदोलन करत होते. यावेळी कामगारांनी सीबीआय आणि केंद्र सरकारच्या विरोधात जोरदार घोषणा दिल्या. मात्र, राबडी देवी यांच्या निवासस्थानीही सुरक्षा आता वाढवण्यात आली आहे. मुख्यमंत्री नितीश कुमार यांनी याप्रकरणी तेजस्वी यादव यांच्याशी चर्चा केली असून सीबीआयबाबत बोलणी झाली असल्याची माहिती आहे.

हे वाचलं का?

ADVERTISEMENT

Ramdas Kadam: “नारायण राणे गेले तेव्हा तुमची #@ पिवळी झाली”, ठाकरेंवर वार

आयआरसीटीसी घोटाळ्याप्रकरणी लालू, राबडी देवी यांच्यासह १४ जणांना समन्स :

आयआरसीटीसी घोटाळ्याची सीबीआय चौकशी सुरु आहे. यापूर्वी याप्रकरणी लालूप्रसाद यादव यांच्यासह राबडी देवी, मिसा भारती यांच्यासह १४ आरोपींना समन्स बजावून १५ मार्च रोजी न्यायालयात हजर राहण्यास सांगितलं आहे. लालू यादव हे नुकतेच किडनी प्रत्यारोपण करून सिंगापूरहून मायदेशी परतले असतानाच हे समन्स बजावण्यात आले आहे.

ADVERTISEMENT

या प्रकरणी सीबीआयने आरोपपत्रही दाखल केले आहे. लालू यादव यांचे निकटवर्तीय माजी आमदार भोला यादव आणि हृदयानंद चौधरी हेही या प्रकरणात आरोपी आहेत. लालू यादव यांचे ओएसडी असलेले भोला यादव यांना सीबीआयने २७ जुलै रोजी अटक केली होती. भोला २००४ ते २००९ दरम्यान तत्कालीन रेल्वे मंत्री लालू प्रसाद यादव यांचे ओएसडी होते. आरोपपत्र दाखल झाल्यानंतर त्याची दखल घेत राऊस अॅव्हेन्यू कोर्टाने एकूण १४ जणांना समन्स पाठवले आहेत. १५ मार्च रोजी न्यायालय सर्व आरोपींची चौकशी सुरू करण्यात येणार असून त्यानंतर आरोप निश्चित केले जातील.

ADVERTISEMENT

काय आहे प्रकरण?

आयआरसीटीसी घोटाळा हा लालूप्रसाद यादव रेल्वेमंत्री असतानाच्या काळातील आहे. लालू यादव यांनी रेल्वेमंत्री असताना लोकांकडून त्यांना रेल्वेत नोकरी देण्याच्या बदल्यात जमिनी घेतल्याचा दावा केला जात आहे. लालू यादव 2004 ते 2009 या काळात रेल्वेमंत्री होते. याप्रकरणी सीबीआयने 18 मे रोजी गुन्हा दाखल केला होता.

Ramdas Athawale यांचा ईशान्येत करिश्मा; नागालँडमध्ये RPI(A) दोन जागांवर विजयी

सीबीआयच्या म्हणण्यानुसार, काही लोकांना प्रथम रेल्वेमध्ये ग्रुप डी पदांवर भरती करण्यात आले आणि त्यांच्या कुटुंबियांनी जमिनीचा व्यवहार केल्यानंतर त्यांना नियमित करण्यात आलं. सीबीआयचे म्हणणं आहे की लालू यादव यांच्या कुटुंबाने पाटण्यात १.०५ लाख चौरस फूट जमिनीवर कथित अतिक्रमण केलं आहे. या जमिनींचा व्यवहार रोखीने झाला. म्हणजेच लालू यादव यांनी कुटुंबाने रोख पैसे देऊन या जमिनी विकत घेतल्या होत्या. सीबीआयच्या म्हणण्यानुसार या जमिनी अत्यंत कमी किमतीत विकल्या गेल्या.

सीबीआयला असंही आढळून आलं की विभागीय रेल्वेमध्ये सबस्टिट्यूटच्या भरतीसाठी कोणतीही जाहिरात जारी करण्यात आली नव्हती. परंतु, ज्या कुटुंबांनी यादव कुटुंबाला आपली जमीन दिली, त्यांना मुंबई, जबलपूर, कोलकाता, जयपूर आणि हाजीपूर येथील रेल्वेत नियुक्त्या देण्यात आल्या.

ईडीच्या म्हणण्यानुसार, काही उमेदवारांचे अर्ज मंजूर करण्याची घाई करण्यात आली होती. काही अर्ज तीन दिवसांत मंजूर करण्यात आले. पश्चिम मध्य रेल्वे आणि पश्चिम रेल्वेने पूर्ण पत्ता नसतानाही उमेदवारांचे अर्ज मंजूर केले आणि नियुक्त केले. लालू यादव आणि कुटुंबीयांनी जमिनीच्या बदल्यात ७ उमेदवारांना नोकऱ्या दिल्याचा आरोप आहे. यातील पाच जमिनी विकल्या गेल्या, तर दोन भेट म्हणून देण्यात आल्या.

    follow whatsapp

    ADVERTISEMENT