Shivsena : ठाकरेंकडून दोन निष्ठावंत मावळ्यांना प्रमोशन : पराग डाकेंवरही नवी जबाबदारी

निष्ठावंतांचे प्रमोशन अन् जेष्ठांची काळजी...
Arvind Sawant, Bhaskar Jadhav, Parag Dake
Arvind Sawant, Bhaskar Jadhav, Parag DakeMumbai Tak

मुंबई : शिवसेना पक्षप्रमुख उद्धव ठाकरे यांनी पक्षसंघटनेत काही बदल केले आहेत. यामध्ये खासदार अरविंद सावंत आणि आमदार भास्कर जाधव यांची शिवसेना नेतेपदी वर्णी लागली आहे. तर शिवसेनेचे जेष्ठ नेते लीलाधर डाके यांचे पुत्र पराग डाके यांना पक्षाच्या सचिवपदाची जबाबदारी देण्यात आली आहे. या नियुक्त्यांमधील एक प्रमुख वैशिष्ट्य म्हणजे शिंदेंच्या बंडानंतरही निष्ठावंत राहिलेल्या मावळ्यांना प्रमोशन देण्यात आले आहे तर डाकेंसारख्या जेष्ठांचीही काळजी घेण्यात आली आहे.

एकनाथ शिंदे यांनी बंड केल्यानंतर शिवसेना पक्षात उभी फुट पडली आहे. शिंदे यांच्यासमवेत तब्बल 40 आमदारांनी उद्धव ठाकरे यांची साथ सोडली. त्यानंतर 12 खासदारांनीही ठाकरेंची साथ सोडत शिंदे गटाला आपला पाठिंबा जाहिर केला. या फुटीमध्ये काही पक्ष संघटनेतील महत्वाच्या पदांवरील व्यक्तींनीही ठाकरेंची साथ सोडली. यात नेतेपदावर असलेल्या माजी आमदार रामदास कदम, माजी खासदार आनंदराव अडसुळ यांचाही समावेश होता.

Arvind Sawant, Bhaskar Jadhav, Parag Dake
खैरेंचा पहिल्यांदा सत्कार झाला अन् शिरसाटांचा इगो दुखावला : जलील, सावेंची मध्यस्थी

या सर्व घडामोडींदरम्यान एकनाथ शिंदे यांनी थेट पक्षावरच दावा सांगितला आहे. यावर सध्या न्यायालय आणि निवडणूक आयोगासमोर सुनावणी सुरु आहे. निवडणूक आयोगानेही उद्धव ठाकरे गट आणि एकनाथ शिंदे गटाला पुरावे सादर करण्याचे आदेश दिले आहेत. संपूर्ण शिवसेना पक्ष ताब्यात घेण्यासाठी शिंदे यांना प्राथमिक टप्प्यात पक्षात उभी फूट पडल्याचे सिद्ध करावे लागणार आहे. त्यासाठी शिवसेनेच्या कार्यकारिणीतील नेते आणि प्रमुख पदाधिकाऱ्यांचा पाठिंबा असणे आवश्यक आहे.

Arvind Sawant, Bhaskar Jadhav, Parag Dake
2016 मध्ये मृत्यू झालेल्या व्यावसायिकाच्या कुटुंबीयांना मिळणार 4.13 कोटी रुपयांचा विक्रमी मोबदला

याच पार्श्वभूमीवर एकनाथ शिंदे यांनी काही दिवसांपूर्वी शिवसेनेचे ज्येष्ठ नेते लीलाधर डाके, गजानन किर्तीवर आणि मनोहर जोशी यांची भेट घेतली होती. या नेत्यांना पाठिंबा मिळविण्यासाठीच शिंदे यांचा प्रयत्न सुरु असल्याचे बोलले गेले. हेच संभाव्य धोके लक्षात घेवून उद्धव ठाकरे यांनी विधानसभेत शिवसेनेची बाजू आक्रमकपणे मांडणाऱ्या भास्कर जाधव यांना आणि संसदेत अरविंद सावंत यांना नेतेपद देऊन दोघांचेही प्रमोशन केले आहे. तर पराग लीलाधर डाके यांची शिवसेनेच्या सचिवपदी वर्णी लागल्याची चर्चा आहे.

Related Stories

No stories found.
Mumbai Tak
www.mumbaitak.in