Sushil Modi : समान नागरी कायदा 2024 लोकसभा निवडणुकीआधी लागू होणार? भाजप नेता म्हणाला…

इंडिया टूडेच्या मुंबईतील कॉनक्लेवमध्ये (India Today Conclave Mumbai) सुशील मोदी (Sushil modi) यांनी समान नागरी कायद्यावर मोठं विधान केले. समान नागरी कायदा हा भाजपच्या जाहिरनाम्याचा एक भाग आहे. त्यात 2024 च्या लोकसभेला आता सहा महिनेच उरले आहेत. त्यामुळे हे बिल आमच्या जाहिरनाम्याचा भाग असल्याने आम्ही ते पुर्ण करण्याचे काम करू, असा विश्वास सुशील मोदी यांनी व्यक्त केला.

हे ही वाचा : अभिनेता रणबीर कपूरला ईडीची नोटीस; टायगर श्रॉफ, सनी लिओनीही ‘रडार’वर

तसेच सुशील मोदी यांना हे आगामी अधिवेशनात लागू होईल का? असा सवाल करण्यात आला होता. त्यावर कोणत्या अधिवेशनात होईल हे सांगता येत नाही. मी आशावादी आहे, मी काही सरकार नाही,असे सुशील मोदी यांनी स्पष्ट केले आहे.

आदिवासींना का वगळले?

समान नागरी कायद्यातून आदिवासी समाजाला वगळण्यात आले आहे. आदिवासींना समान नागरीक कायद्याच्या बाहेर ठेवले पाहिजे. कारण त्यांची कुणाशीच तुलना होत नाही. कारण तुम्ही आदिवासींची तुलना ख्रिश्चन, मुस्लिम,हिंदुंशी करू शकत नाही. पक्षाचे काय मत आहे, हे मला माहित नाही पण माझे व्यक्तिगत मत असल्याचेही सुशील मोदी यांनी स्पष्ट केले.

हे ही वाचा : विठूरायाच्या महापुजेचा मान कुणाला? फडणवीस की अजितदादा? दोन उपमुख्यमंत्र्यांमुळे…

हिंदुमध्ये महिलांना संपत्तीचा अधिकार नव्हता. 2005 मध्ये संशोधन करून तो देण्यात आला. जर अजूनही महिलासाठी भेदभाव आहे, तर आम्ही हा भेदभाव संपवायला तयार आहोत. स्त्री आणि पुरूषांबाबत कोणताही कायदा तयार करायचा असेल तरीही आम्ही तयार आहोत. पण मुस्लिमांनी ही त्यासाठी तयारी ठेवली पाहिजे,असे देखील सुशील मोदी म्हणाले आहेत.