Haryana, Jammu-Kashmir Election Result 2024 : हरियाणात भाजपने रचला इतिहास, पण काश्मीर हाती आलंच नाही!

Jammu Kashmir Assembly Elections Results 2024 : जम्मू-काश्मीर आणि हरियाणा विधानसभेचे आज निकाल आहेत. यासंदर्भातील सर्व अपडेट्स 'मुंबई Tak'च्या या लाइव्ह ब्लॉगमध्ये जाणून घ्या...

हरियाणामध्ये भाजपची सलग तिसऱ्यांदा सत्ता

मुंबई तक

08 Oct 2024 (अपडेटेड: 08 Oct 2024, 08:34 PM)

• 08:41 PM • 08 Oct 2024

  जम्मू-काश्मीर विधानसभा निकाल

  जम्मू-काश्मीरमध्ये 2014 नंतर यंदा पहिल्यांदाच विधानसभा निवडणुका पार पडल्या. ज्यामध्ये नॅशनल कॉन्फ्रेन्स आणि काँग्रेस आघाडीने सत्ता मिळवली. जम्मू-काश्मीरमध्ये आपल्याला सत्ता मिळेल अशी भाजपला अपेक्षा होती. मात्र, येथील जनतेने यंदा आघाडीच्या हाती सत्ता सोपवली आहे.

  1. नॅशनल कॉन्फ्रेन्स आणि काँग्रेस आघाडी - 49 जागांवर विजयी
  2. पीडीपी - 3 जागांवर विजयी
  3. भाजप - 29 जागांवर विजयी
  4. एआयपी - 1 जागेवर विजय
  5. अपक्ष - 8 जागांवर विजयी
• 08:41 PM • 08 Oct 2024

  हरियाणा विधानसभा निकाल 

  भाजपने हरियाणात सलग तिसऱ्यांदा सत्तेत येऊन एक नवा इतिहास रचला आहे. हरियाणा विधानसभा निवडणुकीत भाजपला पुन्हा एकदा बहुमत मिळालं आहे.

  1. भाजप - 48 जागांवर विजयी
  2. काँग्रेस - 37 जागांवर विजयी
  3. आयएनएलडी - 2 जागांवर विजयी
  4. अपक्ष - 3 जागांवर विजयी
• 03:32 PM • 08 Oct 2024

  अनेक जागांवर मतमोजणी थांबलीय, हरियानाचे माजी CM भुपेंद्र सिंह हुड्डा असं का म्हणाले?

  हरियानाचे माजी मुख्यमंत्री भुपेंद्र सिंग हुड्डा यांनी हरियाना विधानसभा निवडणुकीच्या निकालाबाबत मोठं विधान केलं आहे. भुपेंद्र म्हणाले, अनेक ठिकाणी मतमोजणी थांबली आहे, अशी माहिती आहे. रोहतक शहरातली मतमोजणी थांबली आहे. आम्हाला बहुमत मिळत आहे. हा एक गेम आहे. कधी चेंडू इकडे, तर कधी तिकडे, पण आम्हाला अंतिम निकालाची प्रतिक्षा करावी लागेल.

  #WATCH | Rohtak: Former CM and Congress candidate from Garhi Sampla-Kiloi, Bhupinder Singh Hooda says, "I have news that counting is stopped at several places. We are getting the majority...This is a game, the ball is sometimes here, sometimes there but we will do the final… pic.twitter.com/qs3b9ElRu1

  — ANI (@ANI) October 8, 2024

   
• 02:45 PM • 08 Oct 2024

  J&K Election Result 2024 : जम्मू-काश्मीरच्या निकालावर देवेंद्र फडणवीस काय म्हणाले?

  जम्मू-काश्मीरमधील भाजपाचा आतापर्यंतचा परफॉर्मन्स चांगला आहे. प्रचंड मतदान झालं. पाकिस्तानचा प्रपोगंडा संपुष्टात आला. निष्पक्ष निवडणुका होतात हे दाखवून दिलं. ही निवडणूक म्हणजे पाकिस्तानला चपराक आहे. 370 हटवल्यानंतर रक्ताच्या नद्या वाहतील असं म्हणायचे, रक्ताच्या नद्या सोडा, लोक लोकशाही प्रक्रियेत सहभागी झाले. जम्मू-काश्मीरमध्ये लोकाशाही लोकनियुक्त सरकार सत्तेवर येणार आहे.

   

ADVERTISEMENT

ADVERTISEMENT
• 02:44 PM • 08 Oct 2024

  Haryana Election Result 2024 : काँग्रेस नेते भूपेंद्र हुड्डा यांच्या घराबाहेर 2 विजय रथ

   

  मतमोजणीच्या फेऱ्या सुरु आहेत. भूपेंद्र हुड्डा यांच्या घराबाहेर 2 विजय रथ सजवण्यात आले आहेत. काँग्रेसच्या विजयानंतर या रथामधून विजय यात्रेची तयारी आहे.

   
• 02:00 PM • 08 Oct 2024

  Haryana Election Result 2024 : हरियाणातून विनेश फोगाटचा दणदणीत विजय!

  हरियाणाच्या जुलानामधून काँग्रेस उमेदवार विनेश फोगाट विजयी झाल्याची बातमी आहे. भाजपाने कॅप्टन योगेश बैरागी, यांना उमेदवारी दिली होती. भाजपाने जुलानामध्ये एक दलित चेहरा दिला होता. इंडियन नॅशनल दलने सुरेंद्र लाठर, आम आदमी पार्टीकडून कविता देवीसह एकूण 12 उमेदवार रिंगणात होते.

   

ADVERTISEMENT

ADVERTISEMENT
• 12:29 PM • 08 Oct 2024

  पराभवानंतर इल्तिजा मुफ्ती नेमकं काय म्हणाल्या?

  जम्मु-काश्मीरमध्ये विधानसभा निवडणुकीची रणधुमाळी सुरु असून माजी मुख्यमंत्री मेहबुबा मुफ्ती यांची मुलगी इल्तिजा मुफ्ती यांचा पराभव झाला आहे. इल्तिजा यांनी एक्सवर पोस्ट शेअर करत विधानसभा निवडणुकीत झालेला पराभव मान्य केला आहे. सोशल मीडियावर पोस्ट शेअर करत इल्जिजा यांनी म्हटलं, बिजबेहरामध्ये सर्वांकडून मिळालेलं प्रेम आणि आपुलकी नेहमीच माझ्या स्मरणात राहील. जनतेनं जो काही निर्णय दिला आहे, तो मला मान्य आहे. पीडीपीच्या कार्यकर्त्यांनी या निवडणुकीत खूप मेहनत घेतली, मी त्यांचे आभार मानते.

  I accept the verdict of the people. The love & affection I received from everyone in Bijbehara will always stay with me. Gratitude to my PDP workers who worked so hard throughout this campaign 💚

  — Iltija Mufti (@IltijaMufti_) October 8, 2024

   
• 10:29 AM • 08 Oct 2024

  Haryana Election Result 2024 : हरियाणात काँग्रेसची चिंता वाढली

  हरियाणामध्ये चित्र पूर्णपणे पालटलं आहे. काँग्रेसला धक्का बसणार असं दिसतंय. काँग्रेस आता 34 जागांवर आघाडीवर आहे. भाजपा 48 म्हणजे भाजपाने बहुमताचा आकडा गाठलाय.

  हरियाणात अटी-तटीचा सामना सुरु आहे. पहिल्या तासाभरात काँग्रेसने मोठी आघाडी घेतली होती. बहुमतापेक्षा जास्त जागा त्यांच्याकडे होत्या. पण आता चित्र पालटलं आहे. आता भाजपाने बहुमताचा आकडा गाठलाय. पारडं कुठल्या बाजूला झुकेल हे सांगता येत नाही अशी स्थिती आहे. भाजपा 47 तर काँग्रेस 36 जागांवर आघाडीवर आहे.

   

   
• 10:28 AM • 08 Oct 2024

  Haryana Election Result 2024 : हरियाणावर संजय राऊतांची प्रतिक्रिया काय?

  मोदींचा कुत्रिम मुखवटा पूर्णपणे उतरला आहे. काँग्रेसच्या टॉनिकचा प्रभाव महाराष्ट्रात दिसेल. हरियाणात काँग्रेसचच सरकार येणार. संजय राऊत यांनी व्यक्त केला विश्वास

   
• 09:37 AM • 08 Oct 2024

  J&K Election Result 2024 : जम्मू-काश्मीरची स्थिती काय?

   

  जम्मू-काश्मीरमध्ये काँग्रेसने बहुमताचा आकडा गाठला आहे. नॅशनल कॉन्फरन्स आणि काँग्रेस 48 जागांवर आघाडीवर आहे. भाजपाला 30 जागांची आघाडी मिळाली आहे. पीडीपी 4 आणि इतर 6 जागांवर आघाडीवर आहेत.

   
• 09:36 AM • 08 Oct 2024

  Haryana Election Result 2024 : हरियाणातील महत्त्वाच्या मतदारसंघात काय स्थिती?

  मुख्यमंत्री नायब सिंह सैनी लाडवा विधानसभा क्षेत्रातून आघाडीवर

  जुलानामधून विनेश फोगाट आघाडीवर

  अंबाला कँटमधून अनिव विज पुढे

  कैथलमधून आदित्य सुरजेवाला आघाडीवर

  रानियामधून अर्जुन चौटाला आघाडीवर

  गढी सांपला-किलोईमधून भूपेंद्र सिंह हुड्डा पुढे

  तोशाममधून श्रुती चौधरी आघाडीवर

  हरियाणाच्या इंदरवालमधून अपक्ष उमेदवार जीएम सरूरी आघाडीवर.

   
• 09:23 AM • 08 Oct 2024

  Assembly Election Results: भाजपा विरुद्ध काँग्रेस, तासाभरानंतर कोण आघाडीवर?

  हरियाणात पोस्टल निकालात काँग्रेसची आघाडी
  जम्मू-काश्मीरमध्ये नॅशनल कॉन्फरन्स, भाजपात टक्कर

  जम्मू-काश्मीर – बडगावमधून ओमर अब्दुल्ला आघाडीवर
  हरियाणा – विनेश फोगाटची पोस्टल मतदानात आघाडी

  हरियाणा: काँग्रेसने पोस्टल मतदानात घेतली आघाडी

  हरियाणा: भाजप आणि काँग्रेसमध्ये काट्याची टक्कर
  जम्मू-काश्मीर : भाजपने पहिल्या टप्प्यात आघाडी घेतली

  जम्मू-काश्मीर : भाजप आणि काँग्रेस आघाडीत रस्सीखेच
  जम्मू-काश्मीर : खोऱ्यामध्ये नॅशनलिस्ट कॉन्फरन्सची आघाडी

  हरियाणा: पोस्टल मतदानात काँग्रेसने बहुमताचा आकडा गाठला

  हरियाणा: EVM च्या मतमोजणीत विजयाचं गणित बदलू शकतं

  हरियाणा: अपक्षांची निराशाजनक कामगिरी, भाजपाची चिंता वाढवणारी

  हरियाणा: काँग्रेसकडून जिलेबीचे वाटप करत जल्लोष सुरू
  हरियाणा: प्रचारात राहुल गांधींचं जिलेबीवरील विधान चर्चेत आलं होतं

  हरियाणा: पहिल्या टप्प्यात काँग्रेसने गाठला 60 चा आकडा
  हरियाणा: काँग्रेसनी EVM मतमोजणीत आघाडी ठेवल्यास नवा इतिहास

  हरियाणा: एक्झिट पोलचे निकाल मतमोजणीत खरे ठरताना दिसतायत

  जम्मू-काश्मीर : काँग्रेस आघाडी आणि भाजपात रस्सीखेच सुरूच
   
• 09:06 AM • 08 Oct 2024

  Haryana Election Result 2024 : हरियाणात 'या' जागांवर कोण आघाडीवर?

  • लाडवा मतदारसंघातून मुख्यमंत्री नायबसिंग सैनी आघाडीवर
  • जुलाना मतदारसंघातून विनेश फोगट आघाडीवर
  • अंबाला कॅन्टमधून अनिव विज आघाडीवर
  • आदित्य सुरजेवाला कैथलमधून आघाडीवर
  • रानियामधून अर्जुन चौटाला आघाडीवर
  • गढी सांपला-किलोई येथून भूपेंद्रसिंग हुडा आघाडीवर
  • तोशाम येथून श्रुती चौधरी आघाडीवर
  • हरियाणाच्या इंदरवाल जागेवरून अपक्ष उमेदवार जीएम सरुरी आघाडीवर
• 08:57 AM • 08 Oct 2024

  Haryana Election Result 2024 : हरियाणामध्ये काँग्रेसला प्रचंड बहुमत

  हरियाणामध्ये परिवर्तनाची लाट आहे. काँग्रेसची प्रचंड बहुमताच्या दिशेने वाटचाल सुरु आहे. काँग्रेस 63, भाजपा फक्त 16 जागांवर आघाडीवर आहे. 90 पैकी 85 जागांचे कल आले आहेत.

   
• 08:34 AM • 08 Oct 2024

  Haryana Election Result 2024 : हरियाणामध्ये सत्ता पालट होणार? काँग्रेसची तुफान आघाडी

  हरियाणा विधानसभेच्या 90 जागांसाठी मतमोजणी सुरु झाली आहे. प्राथमिक कल आहेत त्यामध्ये, काँग्रेसच तुफान आलय. काँग्रेस 40 पेक्षा जास्त आणि भाजपा 16 जागांवर आघाडीवर आहे. इतर 4 जागांवर आघाडीवर आहे. 10 वर्षानंतर हरियाणामध्ये सत्ता पालट होणार असं चित्र दिसतंय.

   
• 08:33 AM • 08 Oct 2024

  Assembly Election Results: काश्मीरमध्ये नॅशनल कॉन्फरन्स-काँग्रेसला आघाडी

  जम्मू-काश्मीरमध्ये विधानसभेच्या 90 जागांसाठी मतमोजणी सुरु झाली आहे. प्राथमिक कल आहेत त्यानुसार, काश्मीरमध्ये नॅशनल कॉन्फरन्स-काँग्रेसला 34 जागांवर आघाडी मिळाली आहे. भाजपा 19, पीडीपी 1 आणि इतर 2 जागांवर आघाडीवर आहेत.

   
• 08:17 AM • 08 Oct 2024

  Assembly Election Result 2024 LIVE: पोस्टल मतांची आधी मोजणी

  हरियानात बादशाहपूर, गुरुग्राम आणि पतौडी विधानसभा जागांसाठी प्रत्येकी दोन मतमोजणी केंद्रे, तर उर्वरित ८७ मतदारसंघांसाठी प्रत्येकी एक मतमोजणी केंद्र स्थापन करण्यात आले आहे. मतमोजणी प्रक्रियेवर लक्ष ठेवण्यासाठी निवडणूक आयोगाकडून ९० मतमोजणी निरीक्षकांचीही नियुक्ती करण्यात आली आहे. पोस्टल मतपत्रिकांची प्रथम मोजणी केली जाईल, त्यानंतर 30 मिनिटांनंतर इलेक्ट्रॉनिक व्होटिंग मशीन (EVM) मतांची मोजणी केली जाईल.
• 08:14 AM • 08 Oct 2024

  Assembly Election Results: भाजप प्रदेशाध्यक्षांकडून करण्यात आलं हवन

   

  जम्मू काश्मीर भाजपचे अध्यक्ष आणि नौशेराचे उमेदवार रवींद्र रैना यांनी निकालापूर्वी हवन केलं आहे. जम्मू-काश्मीर विधानसभा निवडणुकीचे निकाल मंगळवारी सकाळी ८ वाजल्यापासून हाती येणार आहेत.